أبوي علمني ما أخلي المواجيب = وأنا أتيامن و الزمان إيتياسر
الموجب واجب لا فعلته و لا نيب = اعده طيب ولا أحسب المخاسر
كرامة الضيف حق وجهه و لاهيب = طيبن ومنهو عدها طيب خاسر
حنا ترا مانعتبر هذي الطيب = عنا أقوله شعر واثق وجاسر
لا ناب نذكرها وخلايها عيب = من ماضين عاسر إيلا وقت ياسر
البزر منا منوته فا التراحيب = متعيصبن والم ويمناه فاسر
عادة بني عمي ذبوب المراقيب = دواسرن ياجعل مافيهم عاسر
يفهم علي المدهلين المعازيب = اللي لا شافت الأجزل ما هيب أتكاسر
اللي تجيب العلم وترخص الجيب = لكان حاديها زمان المعاسر
وإذا رجعنا للمراجل وللطيب = الطيب عبدن من عبيد الدواسر
تسلم يمناك أخوي محمد
وصح لسان الشاعر