[معلومات العضو عبدالله بن مرضي الجماعين]

	اعزائي منسوبي منتدى الدواسر احب ان اهدي لكم هذي الابيات والتي قالها أخي الشاعر: ظافر بن مرضي الودعاني عسى ان تنال اعجابكم فهو الهدف الايالله المطلوب ياعالم النيات = عط القلب مايبغيه ولا أعذله منه أنا أتعبت رجلي بالمشاوير والروحات = على درب منهو غريل القلب ماحنه من البعد قلبي كل ما أخضر زرعه مات = حياتي على نار وغيري على جنه هواجيس قلبي كل ماقلت راحت جات = تخالف على قلب الغرابيل وأشقنه مع الناس الاقصين أجتمع والقلوب إشتات= وأنا اللي بقلبي خافي(ن) مادروا عنه انا ما ذبحني كون غرو(ن) خطاه إسكات = يشاف الخطا مني لو إن الخطا منه ياكيف أقدر الحيله على راعي الحيلات = وعلى راعي المنات كيف أقدر المنه ترى حل مشكلة الهوى صعب من الصعبات = كما حل مسمار(ن) تبرشم على السنه وترى معرفة بعض المخاليق من النكبات = يجيلك بدعوى(ن) ماتوقعتها منه ومن البعد والحرمان ومقاطع الجيات = تغير هوانا وأختلف وأندمر فنه لكم الود والورد من محبكم ابوطلال