[معلومات العضو فهد الغريري]

هب البراد وذكر القلب بوناس=يوم اننا فوق الجيوب الجدادي
وبدا يتغمش داخل القلب هوجاس=ودلا يتصور لي اخبوت وحمادي
واصبحت مثل اللي غدا عند حباس =ولا اسوات اللي برجله اقيادي
حب الخلاء يشبه هواء سود الالعاس=عندي وهذا العشق شئ ن وكادي
الله على اللي يطوي البعد لا داس= اليا انطلق يقبل و ياخذ ازيادي
اربع مديله بعد الالفين قرطاس=كامل مكمل للخلاء والعتادي
جيب ن تحدى بالرهاء حمر الاطعاس=قاهر طويلات النقاء والسنادي
ومقطبن حوضه على كل نوماس=وكل الذي نبغيه ناخذ ازيادي
ونمشي على الله محيي الروح بنفاس=بين الدخول وبين لينه مرادي
هذا هواي وغايت والكيف والراس= يوم ان بعض الناس يغشى النوادي
وصلاة ربي عد ما طار قرناس=وعداد ما دنق محمر الثنادي
على نبي ن وضح الحق للناس=محمد الهادي لدرب الرشادي

الاخ العزيز والشاعر الكبير " أبو عمر اللاحم"

مـرحـبـاً ترحـيـبـةٍ تـخـضـر بـيـابــس الــــورق

مرحـبـاً مــن بــاب نـجـران إلــى بـــاب الـشــام

صح الله السانك وعتلا شانك وزاردك الله رفعةٍ في قدرك

مدري ويش اقول في هذي القصيده التي تخطف الاباب وتدخل في القلوب

بما تحمل من معاني في طياتها وما تحمله من جزاله في كلاماتها

ابوعمر جعل من ارثك في الجنه وعسى عمرك طويل على طاعته

والله يوفقك ويسرلك امرك ويهنيك في عمرك.....

تقبل تحياتي وتقديري واحترامي في مقامك العالي

اخــوك / فــهـــد الــغـــريـــري,,,