يابدر قبل الليل قرب لي الفرت
،،،،،،،،،،،،،،،،،،،،،، شيك على البنزين والزيت كله
القير والدفرنس وان كان ناظرت
،،،،،،،،،،،،،،،،،،،،،، به نقص راعي المشحمه مافطن له
عاير هواه وماه واليا تذكرت
،،،،،،،،،،،،،،،،،،،،، شي يببيه اللي يبي فدوة له
حتى إلى مني على خير سافرت
،،،،،،،،،،،،،،،،،،،،، أمشي ونفسي راضيه مسفهله
عن اللزوم اللي ضروري تأخرت
،،،،،،،،،،،،،،،،،،،،، هات الخفيف وماتثاقلت خله
والى ظهرت من البلاد وتشطرت
،،،،،،،،،،،،،،،،،،،،، ترى لزومي فيه جاء وقت حله
إلى انتحى قمت اذكر الله وكبرت
،،،،،،،،،،،،،،،،،،،،، كنه يسابق تالي العصر ظله
لامر عجلات المواتر وفكرت
،،،،،،،،،،،،،،،،،،،،، لاكنهن وقاف مثل الأخله
طار(ن) علي الى مشيت وتنحرت
،،،،،،،،،،،،،،،،،،،،، قصر(ن) يسر اللي يجي عاني(ن) له
مارحت عنه يمين ولا تياسرت
،،،،،،،،،،،،،،،،،،،،، قلبي يهذري به وعيني تدله
ترى الدروب السود مهما تصاغرت
،،،،،،،،،،،،،،،،،،،،، منها تراها علة(ن) فوق عله
والا الدروب البيض مهما تكابرت
،،،،،،،،،،،،،،،،،،،،، ترى الحضيض اللي تجي سكة(ن) له
إلى بغيت افرج الهم سيرت
،،،،،،،،،،،،،،،،،،،،، للي حجاجه للمسّير يفله
اللي ليا إني جيت عنده تحيرت
،،،،،،،،،،،،،،،،،،،،، فلة حجاج ومجلسه ماتمله
عز الله اني للصداقه تخيرت
،،،،،،،،،،،،،،،،،،،، اللي رفيقه مايشوف المذله
عبدالعزيز اكبر من اللي تصورت
،،،،،،،،،،،،،،،،،،،، الفعل فعل سعود والدل دله
بغيت احبه ربع فعله وقصرت
،،،،،،،،،،،،،،،،،،،، باول شبابه والفخر مقبل(ن)له
ياكم اماري به وياكم فاخرت
،،،،،،،،،،،،،،،،،،، ياسعد عين اللي يجي فزعة(ن) له
مالي عذر عن جيتك لو تعذرت
،،،،،،،،،،،،،،،،،،، ياللي تنزل كل رجل بمحله
عن طبع ابوك وعادته ماتغيرت
،،،،،،،،،،،،،،،،،،، اللي سنام المجد له مستحله
وردتها هداج تيما وصدرت
،،،،،،،،،،،،،،،،،،،،، من سار مع درب(ن) فهو جايز(ن) له
للشاعر / أحمد الناصر الشايع
منقوووووول
أخوكم محمد المسعري