هذه قصيدة للمغفور له
الشاعر :سعد بن منصور بن شعيه الحقباني
يالله ياخالق جميع المخاليق=أنك تروف بحالنا يارحومي
طالبك براق ويالله التوافيق=يملى المواهب كل أبوها عمومي
علم الحيا يحيي قلوب المشافيق=شوف الدبش يرعى نبات الوسومي
شوف الدبش يرعى الزهر والزماليق=والقلقلان اللي بعرض الحزومي
المال والله وقفت بالأساويق=ترد ماعينت منهو يسومي
من قول عود(ن) في رجيله تعاويق=لامن جلس ماعاد يحرز يقومي