نظم هذه الأبيات الشاعر الكبير والمؤرخ الأديب (( عبداللـــه الزعيـــــر السابــــــق الودعانــــــي)) في أسرة (( البليهـــــــــي)) أولاد شماس بن سابق الوداعين الحمد للي بحكمته دبر الكون = رازق جميع الناس علم خفاها عالم بما نبدي أوما كان مكنون = علم بحرها وبرّها مع سماها يقولها من قدم الشكر ممنون = يا من بكم نفسه تحقق مناها لبيت دعوة من لهلنا يُودون = اللابة اللي يفتخر من دعاها ياهل الكرم من يوم الأجداد يسنون = أكفوفكم لليوم يبهش نداها وياهل الحميه يوم طاعن ومطعون = مثل الحيود اللي يذري ذراها يانسل من باسمه أجدودي يتعزوون = سابق ولد ودعان حامي حماها وكديان ولد شماس بالطيب مقرون = له سلةٍ رب البريه عطاها حامي حمى شماس المسمى بمسنون = حدبٍ نهار الكون تقعد صغاها سلت سيوف باللقا ما يهابون = سلت سيوف عطرها من دماها من مالهم في ماضي الوقت يعطون = يوم الملا بالجوع تيبس شفاها ومن هامهم يرجع ذليلٍ ومغبون = شواهد التاريخ كلّ قراها وعبدالعزيز اللي عن العيب مصيون = عبدالعزيز الليث جد البلاها شيّال حمل اللي شكوله يعجزون = له لابة بالسيف دون قصراها ومانع منيع الجاه ماقد رضا الهون = ريف الكبود اللي شكت من لضاها جندل بسيفه عاقلٍ قيل مجنون = الحر ذبحة شيخنا مانساها والشيخ أبومحمد للعلم مرهون = هو للفضيله والمروه غشاها صافي العقيده والمعرفه له فنون = شرّف عدود المعرفه وارتواها العالم الي عون من لالقى عون = مع سيرة ابراهيم ربعي تباها وصالح نديّ الكف والراي موزون = كل الفضايل حازها واحتواها والسلسبيل اللي له الناس يقرون = دليل لقلوب غشاها عماها الزاهد اللي لسمه الناس يثنون = عوامل التظليل عنا نفاها ومانع أبومحمد له الناس يطرون = سيرة مكارم يابخت من وراها يوم الحرايب وسط نجد لها كون = والهجن تشكي للسبايا حفاها وأمير تيما اللي له الناس يدعون = مواقفه تجني الثمر من نماها وصالح جمام الجود اللي تناخون = ياما فزع للناس وياما عطاها له فزعه تجلي كدر كل محزون = على النقا وهل النقا من نقاها وافي مع اللي بالملازيم يافون = روحه سنام المجد جدد صباها ومعالي اللي بالمعالي له ركون = شيخ المعرفه والمعارف حواها الصادق اللي ما غشا قلبه ضنون = ونفسه مضامين المروه هواها رمز النزاهه واصدق الناس يروون = مواقف تملي النفوس برضاها ورمز الثقافه واشرف الناس يدرون = إنه ذبح روح الجشع ما شفاها المنتصر للمبدأ اللي تحبون = اللي هوى العليا وجنب سواها من فيض عرفه أكثر الناس يجنون = وللي زرع بذر الفضايل جناها دنياه ماجات له على هونها الهون = الله يوصل هقوته منتهاها ياسعد عين شافت ونتم تشوفون = أبن عثمان بقصره جمل حماها تفخر المداء باللي يمدون = ويمين أبومحمد جزيل عطاها للمجد طلاب الشرف دوم يبنون = إلين يرفع فعلها مستواها الشاعر الأديب المؤرخ الأستاذ / عبدالله الزعير السابق الودعاني الأمير الشاعر/عبد الرحمن الأحمد السديري في ذمة الله
