[معلومات العضو مطلق الحصان آل عمار]

المشاركة الأصلية كتبت بواسطة شوق2

يانديبي وكّل اللي به العبد استعان=مجري الآفلاك وبحكمته تجري الرياح
وارتّحل من فوق من تربط حزام الامان=لاتوجه بالندا واعلنو لك بالمراح
فوق من لازوعت ماتحقق بالعيان=صوت رعاد(ن) ترجّف من المزن الشقاح
لا أنتحت فوق المدرج تشادي كرولان=يوم خفه موكد الطلع بالرمثه وصاح
صممت باعظم فخامات وبدقة اتقان=تنتوي فوق السحايب عن الخد البراح
ثم تنحّر من على الجود يشهر بالبيان= عند من لاجيت همك من الوقت استزاح
عند ابن مرضي عطيب الظرايب بالسنان= لا استراب الدم بالكف بالميدان ساح
من سلايل من لهم باللقا حكمن وشان=من وداعينن تغيث النديب اليا استصاح
لاقدح نار الحرايب وولع واستكان =كم حريب(ن) من عطب سيفهم بالجوف ناح
من نخاهم جال همه عقب ماهم مهان=يرفعونه عقب ماهو من الجور استطاح
يرتقّون المعتلا مارضو درب الطمان= من على جدانهم مجدهم بالعز ضاح
مثل نو(ن) لاقدح بارقه يجلى المكان=ولاترازم بالرعد ينهمل غيث(ن) قراح
لا انهمل من فوق روس النوابي واستحان = ينتحي سيله ومن قابله عجل المطاح
من وداعين الكرم لاقسا جور الزمان=لاتردى هافي الجد بالنفس الشحاح
قله ارحب عد ما لاح برق(ن) واستبان=وعد ما نور القمر في دجى الليل استباح
وعد ماهل المطر من غمامه ريهجان=وعد سيل(ن) يجرح الخد سيله يوم جاح
وعد مايرفع ويصدع لنا صوت الاذان= وعد ما هاضت بالاصوات ورقا بالنياح
مرحبا بك يوم روحت مظمون الكيان= من خفوقن باحه الود واظناه الجراح
انتهض ياسايق القاف باذن الله معان =باذن رب الكون علمك يكلل بالفلاح
استعن بالله وهو خالقن ماكان كان= واحتزم ونّا معك كان قررت المراح
نعتلي بالجاه والمال لجله لو يدان = لجلكم ياراعي الجود كلّش يستباح
مانرد الا بعلمٍ موكد بالظمان =مكّدين العلم منهم على القول الصراح
وكان عيو عن وجاهات فالمبلي معان= يوم حدو راعي الحب من بين الرماح
انت تامر الامر ونّا على علمك عوان=المهم تفوز ياخوي في سيد الملاح
جاك علمي يارفيق(ن) على الشدات بان= ون بغيته شور والا تسميه اقتراح

اختي العزيزه/ شوق 2

صح بدنك

ولاهنتي على كل حرف كتبته

والشكر موصول لبو مرضي الذي قادنا لهذى

واشكرك على مرورك الرائع

ولك بالغ شكري وتقديري