البارحة ماوقع النوم لي في عين=وعزيل جفن يسهر الليل مانامه
طال المدى ياحنيش والحال قام يشين=عسى ماوطى حالي يجي حال منالمه
ياوالله اللي حال دون الحبيب حسين=عسى يرقعه قلابي فوق صدامه
إلى جاب طبلونه ميه فوقها عشرين=يخمه ويصعق لاوطى التاير عظامه
تفجر اصلاحات الفرامل وحمله طين=تعير اللحوي وجبهة الراس قدامه
تلوى عصب رجليه واثوب في الشاصين=وباقي اللحم متلوي فوق دعامه
تشوف اللحم متقطع والعظام طحين=على شان من يردع شفاياه بوشامه
وراعيه في البيمة كتبله ثمان سنين=سبق حادثه حضه بتقديم بيامه
أنا بزهم الشعار تكفون ياوافين=على كل منكم حق ينقل معي زامه
عسى دعوتي تقبل وتجري عليه بحين=عسى الله يعجل بالقدر حسبة أيامه