[معلومات العضو بدر بن سعود]

** إهـداء إلى كـل الأمـهــات **

قصيدة متواضعـة ،،

برغـم ماتحملـه من احساس كبير تجـاه الأم ..

نبع الوفا والطيبِ يا راية الخير = ياللي بطيبك من حنانك أخذنـا
أشرب حنانك وأرتوي به وانا اصغير = من فضلك امي لا ،، بعد ماشبعنا
حتّى كبرنا وصارَ تفكيرنا غير = بعدي صغير ابعينك أللي تَحَفْنَا
اوصف غلاك اشلون ؟! شعر(ن) وتعبير = وانتي غلاك ايفوق كل شي كتبنا
أنتي غلاك ايفوق فكر(ن) وتفكير = يعني يشق السُحْبِ لو ما فرضنا
حبك تعدّى كل حب(ن) وتقدير = محد(ن) يساوي حبك اللي شربنا
روحي فدا روح(ن) فضلها على الغير = روحي فدا قلب(ن) يساوي نظرنا
مبغى المرض يمّه يمسك بتأثير = حتى بصبعك لو يقرب دفعنا
هذي حياتي لك رَهَنها بتبذير = تفدا حياتك لو طلبتي عرضنا
احني لك الهامه مَـذَلّه وتوقير = حيث الوصيه من إلـه(ن) أطعنا
الجنه أللي تحت رجلك تباشير= آضيع فيها دون عوده تردنا
يوم الوصل مني قصر بالمعاذير = بس السموحه كان قَصّر شعرنا

وسـلامتـكــم ؛ وسـلامـة جميـع الأمـهــات ..


وأسئل الله تعالى

أن يغفر ويرحم جميع امهاتنا وآبائنا الّذين توفاهم الله ،،

وأن يجعل منزلتهم في الفردوس الأعلى من الجنة / آمين ..