[معلومات العضو فهد الغريري]

ياسلام الله عدد همال غيمه=من القنوف المردفه لا هملنا
وعد ماجا للرعد حس ورزيمه=في مزون الصيف لامن روحنا
مايقدم كون للرجال حشيمه=مثلك وشرواك يازبن المجنا
يادغش ياراعي اليمنا الكريمه=طيب وطيبك على ساسك تبنا
بالوصوف اللي حلاياها عديمه = قبل شوفك ذكرك الطيب وصلنا
طيب ساس وطيب راس وطيب شيمه=يجذبك طيب النسب منا ومنا
ياسند جيش القصيد ويازعيمه=عوصها لا سمعت إسمك درهمنا
وإقنعت بالإنقياد وبالهزيمه=ومن سمع طاروقها شاقه وغنا
جاك مني جملة ابيوت حكيمه=والنديب اللي خذاها ماتونا
ودنا تصبح صداقتنا حميمه=وآتعنا يمك ويمي تعنا
النظر للجود والنيه سليمه= ولا بقا إلا في مشاهدك إنتهنا
وودنا ان في المنتدى للربع خيمه=مجلس(ن) لهل المراجل فيه فنا
كل منعور يجيه بلا عزيمه= وإنتونس فيه لامنا زعلنا
مجمع(ن) للعز جعل الله يديمه= لا شهر بالطيب ناموسه شملنا
ونمنعه من راعي الكبد السقيمه=راعي انتوا فيكم وحنا وحنا
وهقه بالمدح شرواه وحريمه=وجد جد(ن) غثنا به وإمتحنا
مادرى انه ينظر بعين الهضيمه=الله يقلع داره ويبعده عنا
كنه بنت الشيخ لا صارت عقيمه= لو تجر الميل بالكحل وتحنا
ولو مزياها جميلات ووسيمه=واخت من ملحق هزلها لادبرنا
ولو تقلد بنت بولند(ن) حليمه=بالتغنج والتدلع ما انفتنا
دامها ماتنجب الولد الصتيمه=السند لامن الاريا عسمنا
ماورى مهدافها فود وغنيمه=ولو زواج الرجل يبطي ماتسنا
ماغزاها كون رجال بهيمه=منه زينات الغنادير إطمحنا
وأدري إن في حقها بعض الظليمه=لكن إنها حكمة الله وسلم أهلنا
وما يصير لمدح طيب الجد قيمه= كون من رجل(ن) تعب لين استونا
بيض الافعال الجديده والقديمه=ولبس تاج المدح ما للناس منا
والتحية يابيض الوجه الختيمه=والعذر منك على التقصير منا

الشاعر الغالي صاحب اعذب الكلمات واوفا المعاني " عبدالله بن مرضي الجماعين"

نعم عبدالله بن مرضي الجماعين لهذا الاسم وقع في القلوب من جزل مايمدنى من

اشعار يقف محب الشعر امام مايطرح من قصيده ..

في طرحك في هذى الموضوع

قلت في نفسي هذى هو صاحب القلم السيال الذي سوف يشاركنا

في هذى المنتدي الكريم ويتحفنا بما تحتويه جعبته من جزله في الكلام المتقن

والشعر الجزل الذي سوف تتحفنا بها.

لم يخب حدسي فيك جعل من جابك في الجنه فأنت صاحب القلم

الذي يسيال و يتدفق علينا من معاني وعبر وقوافي يطرب معها القلب

دون ان يشعر الى وهويسبح في جنبات معانيها دون ان يشعر.

ويشهد ان انك يابوطلال عرفت من تختار ابو محمد "دغش البطي"

هذى الرجل الذي اجبر الجميع على محبته واحترامه من اخلاقه العاليه

وتواضعه الجم وحسن منطوقه.. ومن كريم لمستحق ياكحيلان..

وصح الله السان وعتلا شانك وزادك الله من زوايد فضله

ابو طلال قصيتك هذى "تهيض اللي مايتهيض " والله انه صادق

فبارك الله فيك وبارك الله في قوافيك الرنانه في مسامع الجميع

اكرر شكري وتقديري واحترامي واعجابي فيك ياوطلال.

اخـــــــــوك / فهد الغريري,,