|
وداية جارها من جدارها؟؟؟؟؟
السلام عليكم
يالله حي سمحين الوجيه الي يعرف وشهو سبب اطلاق لقب وداية جارها من جدارها على الدواسر يفيدنا تكفون وياليت تقولونلي منهو سببها انا المعلومات الي عندي تقول ان سببها رجال من الوداعين وخويه القحطاني ان كان الرجال من الوداعين فتكفون افيدونا باسمه ومن اي الوداعين هو ولاهنتو ياصلب جدي اخوكم:الولماني |
رد: وداية جارها من جدارها؟؟؟؟؟
وعليكم السلام عليكم ورحمة الله وبركاته الاخ الفاضل : الحميدي يسعد مساك بالخير والمسرات -( وداية جارها من جدارها) وذلك أن أحد المستجيرين بالوداعيين الدواسر سقط عليه جدار فقتله فلم يكن من مجيره الا أن ساق ديته لأولاده وفاء بحق الجيرة مع أن الجيرة لاتتطلب ذلك وقول الامير : فايز ابن خليف الودعاني الدوسري
وديت جاري من جداري وفزتبه=والفوز من رب له العبد سايـل حطيت حوشه من عبارة عيالي=ولا خير في هرج بليا صمايـل وتقبل تقديري واحترامي |
رد: وداية جارها من جدارها؟؟؟؟؟
لاهنت اخوي فهدالغريري على المرور
والموضوع موضوع طال عمرك حبيت تنقله ولاتلغيه بيض الله وجهك اخوك: الولماني وابي الشباب يفيدونا عن الرجال ذاه من اي الوداعين |
رد: وداية جارها من جدارها؟؟؟؟؟
وين الردوووود ياشباب
__________________________________________________ _______________ __________________________________________________ _______________ |
رد: وداية جارها من جدارها؟؟؟؟؟
أخوي الحميدي ( وداية جارها من جدارها) لقب للدواسر جميعآ (ال زايد و تغلب والجميلات) واللي سنها هم قبيلة الخليف المعروفين من قبائل الوداعين (اخوك الدعام)
|
رد: وداية جارها من جدارها؟؟؟؟؟
أخوي الحميدي اللي سن هذه العاده الجميلة التي اشتهر بها الوداعين خاصه والدواسر عامه هو الأمير فايز بن خليّف الوداعين عندما ادى جاره من جداره .وقد بين لك الأخ فهد بن هادي الغريري القصة والقصيده .
تقبل تحياتي،، |
رد: وداية جارها من جدارها؟؟؟؟؟
اقتباس:
أخي الحميدي ولا يهنون باقي الربع لاهنت علا هالموضوع والفعل يخص لدواسر كلهم ويرفع روسهم وبذن الله ان روسهم مرفوعة لن راعي هاذا البيت يقول من حضر منا كفى الي غايبين والسمعة للجميع [COLOR="Blue"]أنا عندي بيتين من عرض قصيدة طويله ولكن لم يحضرني منها اللا هاذي البيتين وأرجو أن تحوز علا رضا الجمييع يقول الشاعر الله يرحمة ويرحم أموات المسلمين جارآ علية أجدار بمر الله يميل============والنا من الجدران ندي جارنا وقصيرنا يرعا معا الصيد الهميل ============ يتبع هوااه وا منآ باقطارنا ولاعل القبايل زود كلن فيه حقة من الطيب وسلامت الجميع / أخوكم رفيع النفس[/COLOR] |
رد: وداية جارها من جدارها؟؟؟؟؟
بسم الله الرحمن الرحيم
القصة ياخوي الولماني قديمة وهي ان جدار احد البيوت سقط على احد الدخلاء الدخلاء بالدواسر ومات من سقوط الجدار عليه ولانه قضاء وقد لايجب دفع الدية في هذه الحالة ولكن الدواسر رفضو الا ان يقدمو الدية لاهل الميت وذلك لكرمهم المشهود به وتراه وانا اخوك قصة ترفع الراس ويتفاخربها من هم من هالقبيلة الشامخة |
الساعة الآن 01:48 AM
 |
Powered by vBulletin® Copyright ©2000 - 2025, Jelsoft Enterprises Ltd.
---