مل عينٍ دمعها على خدي جرى = أسهرتني و اسهرت كل عينٍ ساليه
دمعها مثل المطر يوم نشى و امطرى = عشرة أيامٍ مع خمسةٍ متاليه
أشهد إن ما يصدف العين من حلو الكرى = كود مر الدار من عقب اهلها خاليه
صاحبي يا ليت يا ليت يا ليته درى = ما نحل جسمي وخلى عظامي باليه
والله إن الروح من سبة الزين اخطرى = يا عسى جاله حبيبي مثل ما جاليه
حبه الصادق تمكن بروحي فانبرى = مالكي ملكٍ بصك وشد إحباليه
لا ذكرت ايامنا ذيك والبدر أنورى = غيب عني غيبة و انتفضت إلحاليه
يا وجودي ليت ما به صرام يذكرى = يبعد اغلى غالي الناس وهذا اشقاليه
آه من فرقاه والبعد لا منه طرى = والقدم مر إبمداهيل ذيك الغاليه
ليت قربه في وجودي يسام وينشرى = كان بعطي صاحبي ما طلب من الماليه
لكن اطلب منه قلبي يحطه في ذرى = وداعته يحفظ الأمانة تراهى غاليه