الله يـقـطــع خــــوةٍ مـالـهــا ســـــاس=الـلـي ورى طــرد المـصـالـح هـدفـهـا
غايـاتـهـا يـحـكـم علـيـهـا بـالافــلاس=ولا تـشّـرف مــن يـجـي مــن طرفـهـا
علـى الـردى والكـذب ترفـع وتـنـداس=هــــذي حـراويـهــا وهــــذا وهـفــهــا
ياناقـلـيـن الـكـبـر مــاهــو بـنـومــاس=نـقـص المـراجـل كبـركـم قــد كشفـهـا
المرجله عملة ذهـب مـا هـي بنحـاس=ومـــا كـــل رجـــلٍ لابـغـاهـا صـرفـهـا
مالي مع مجلـس هـل الـزور مجـلاس=نـويــت أجـنـبـهـا وأجــنــب صـلـفـهـا
عرفـت نــاسٍ طيـرونـي مــن الـنـاس=حيـث إنهـا نقـص عـلـى مــن عرفـهـا
شـذابـة العـرقـوب تشـذيـب الأمــواس=نـــاس عـســى ربـــي يـعـجّـل تلـفـهـا
صورة عرب واسلوبها اسلوب خـــناّس=تـبـطـن خبايـثـهـا وتــبــدي شـرفـهــا
أخيـر منهـا فـي الخـلا سـج الأنـفــاس=فــي ديــرةٍ سـيـل أمــس ذيــا جرفـهـا
مـع خـوي لــي عـلـى الـديـن قـرنـاس=حــــرٌ صـعـيـبـات الـمـراقــي ولـفـهــا
ورفيقـي الطيّـب علـى العيـن والـراس=الـلــي منـاهـيـج الــوفــا مااستـلـفـهـا
وألا رديّ السـاس يبـقـى ردِيْ ســاس=ولا خـيـر فـــي نـفــسٍ دنـــيٍ هـدفـهـا

المشاركة الأصلية كتبت بواسطة دغش البطي الكاتب المجيد والراوي المتميز : صالح الجعيدي الحقيقه لو كتبت عنك فلن توفيك سطور وعبارت فأنت أكبر من ذلك طبعاً كلما رأيت إسمك تيقنت بأن وراءه مشاركة جميله ولم يخب ظني فيك دوماً فلقد تعودنا على قراءة الجميل والمفيد فسلمت يمين الناقل وصح لسان الشاعر/ إبراهيم بن مريّع على هذه القصيدة الرائعة جداً تقبل ودي وتقديري وشكري وعرفاني محبك ومحب الجميع

المشاركة الأصلية كتبت بواسطة أباسليمان الودعاني صح الله لسان قايلها والله لايهين ناقلها

المشاركة الأصلية كتبت بواسطة ملاك صح الله اللســانـــك وللســــان قايلـــها

المشاركة الأصلية كتبت بواسطة دغش البطي الكاتب المجيد والراوي المتميز : صالح الجعيدي الحقيقه لو كتبت عنك فلن توفيك سطور وعبارت فأنت أكبر من ذلك طبعاً كلما رأيت إسمك تيقنت بأن وراءه مشاركة جميله ولم يخب ظني فيك دوماً فلقد تعودنا على قراءة الجميل والمفيد فسلمت يمين الناقل وصح لسان الشاعر/ إبراهيم بن مريّع على هذه القصيدة الرائعة جداً تقبل ودي وتقديري وشكري وعرفاني محبك ومحب الجميع

المشاركة الأصلية كتبت بواسطة عبدالرحمن الشرافي ما ازود على ابو محمد شي سجلني من المعجبين بمواضيعك القيمة