::: مـنتدى قبيلـة الـدواسـر الـرسمي :::


	قصة واقعية بأسماء مؤلفة فيصل: شفت خالد وش سوا؟؟ سلطان: وش سوا؟؟ فيصل: بعد كل اللي بيني و بينه يجي يصرفني و يقولي والله ما اقدر أطلع معك بطلع مع نواف اليوم. سلطان: طيب وش فيها؟؟ فيصل: يعني وش؟؟ انا أطفش ولا ما أروق له خلاص؟؟ سلطان: ما أظن بس يمكن عنده شغله مع نواف خلته يطلع معه. فيصل: لا بس معليش والله لا اسحب عليه و لا دق بقوله ماني طالع معك. و لا تمشي معه خلاص صدقني بيسحب عليك. سلطان: والله انك صادق اللي سحب عليك بسحب عليه. بعد كم يوم...خالد..لا فيصل يرد عليه و سلطان يصرفه عشان فيصل قاله. ________________________________________ ___________ هل غلط خالد في حق سلطان؟؟؟ انقطعت علاقة سلطان بخالد عشان مشكلة خالد مع فيصل. سلطان سوا الزين ولا خرب علاقة سنين عشان فيصل يتحكم فيه؟؟ وين راح راي سلطان في خالد؟؟ مو يمكن خالد يكون أصلح لسلطان من فيصل؟؟ ________________________________________ ___________ أخواني و خواتي في زمننا... نلاحظ الأستعجال في اتخاذ القرارات...من تأثير من نعزهم علينا... لازم نكون على علم ... أن كل شخص مننا له رايه و له قراره اللي يطبقه على نفسه... كل واحد فينا لازم يعرف يتخلص من تحكم من حوله فيه... كلنا لنا آراء في اللي يدور حولنا... كلنا مخير و ليس مسير... كلنا لازم نعرف ان تحكم اي شخص في قراراتنا يمكن يودينا في ستين داهيه... يمكن يسبب لنا مشاكل ما تسبب لو اتبعنا آرائنا... نصيحتي لي قبل انها تكون لكم... ليت كل منا يتخذ قرار لنفسه و اذا اتخذنا القرار ما نحاول نسحب فيه من حولنا لمجرد أسباب شخصية... نقدر ننصح...لكن النصيحة لازم تكون لصالح اللي ننصحه ... ما تكون لمصالحنا الشخصية... و لازم كلنا نفكر للمضار و فوائد القرار تفكير كثير عشان ما نندم على قرار نتخذه ...و قد يضر من حولنا .... _______________________________________ موضوع قد لا يعني للكثير ... لكن حبيت انها تكون نصيحة ...قد تنفع أحد فتكون لي أجر منقووووووووول