يالله تعدّيها على خير وتصيب=من حدّني أكتب خماله وعيبه
يبغى الصّراحه مابها شك او ريب=باقولها والناس كلٍ وطيبه
الحر ماينفع بليّا مخاليب=والعقل للرجّال زينه وهيبه
والسّالفه ماهي بلحية مواجيب=كلٍ على طبعه يجيبه حليبه
بعض المنابت بالمراجل عذاريب=وبعض المنابت للمراجل خصيبه
رجلٍ يبي طاريه عند الأشانيب=ورجلٍ يبي طاريه عند الحبيبه
ورجلٍ يودّي بالسواليف ويجيب=ورجلٍ سواليفه لفعله تجيبه
ورجلٍ يغض الطّرف عن جارة صحيب=ورجلٍ عيونه في محارم صحيبه
ورجل يغيب ويفقدونه هل الطيب=ورجلٍ ليامن غاب ماحدٍ دري به
ورجلٍ تشوف بخوّته لك مكاسيب=ورجلٍ تشوف بخوّته لك غليبه
ورجلٍ إذا أخطى يرى نفسه مصيب=ورجلٍ إذا إخطى يراها مصيبه
قلت الصّراحه مابها شك أو ريب=كلٍ على طبعه يجيبه حليبه
إشره وشرّه كان تبغى المواجيب=عط حق تاخذ حق مابه معيبه

ورجل يغيب ويفقدونه هـل الطيـب=ورجلٍ ليامن غـاب ماحـدٍ دري بـه

المشاركة الأصلية كتبت بواسطة رعاد رجلٍ يبـي طاريـه عنـد الأشانيـب ورجلٍ يبـي طاريـه عنـد الحبيبـه الله يسعدك على هذا القصيدة الرااااااااااائع

المشاركة الأصلية كتبت بواسطة عبدالكريم البليهي ألأخ الشاعر صالح الجعيدي ماذا عسانا ان نقول بعد قرأة هذه القصيده هي تعبر عن نفسها ,,,,,,,,,,,,,,,و هي حكمه وليست مجرد قصيده..........هي معنى وليست مجرد شعر,,,,,,,,,تقبل اعجابي الشديد شكرآ

المشاركة الأصلية كتبت بواسطة ممدوح بن سلطان السديري قارنت بين الطيب والذي يعتبر عملة نادره في هاذه الايام والردي وما قصرت صح لسانك يا خوي صالح