لوف قلبي لوف عرقً تعدته السحايب=في مهاميهن مع الكنه عجاعجها تبين
الندا عنه بعيـد ومواريقـه شهايـب=لاعبً فيها الدهر ميبسه من عقب لين

ياجعل حظي يرتفع مثـل وضٌـاح=حر ٍ يداعبـه السحـاب وغمامـه
ترى الولد مثل ازرق العود فـواح=طيبه على خاله وابـوه وعمامـه

دارِ عزْها من أهلها عزّها الكل أعتزابـه=فيهم اهلي لاد زايد من مداد اهل النجايـب
فيهم اهلي لاد تغلب هم على راسي عصابه=الدواسر كلهم يد(ن) بيد(ن) في العصايـب

ومن فوق (روما) صدى التكبير توحونه=تهتـزّ مـن هيبتـه قيعـان وإجبالـي
وماتروسـون الجبـل ياللـي تهزونـه=تتعـب يديكـم ويبقـى شامـخً عالـي

يا سلايل لابة(ن) تروي الحسام=والدخيل فحدودها تاسم عصـاه
الدواسر لابة(ن) يـوم الكتـام=ترفع البيرق امزحزحة العـداه

وإن وردنا الماء شربنا وخلق الله تحوم=فـي نهـارٍ كـل شيبانـنـا جهَالـهـا
وفي ذرانا ترتع الوُضح والشقحا الردوم=نرخص الأرواح مـن دونهـا وإفدالهـا

لعنبوكـم يـا قـرود ولعنبوكـم يـا حمـيـر=لعنبوكـم ذا ( محمـد ) موفـيٍ مـا بالكتـاب
النبـي المصطفـى والهـادي البـدر المنيـر=الطهور اللـي غـدا للطهـر عنوانـه وبـاب

وبيتك أنا بوصيـك لا يدخلـه دش=اتخرب أهل البيت وتغشهم غـش
وبعض العرب لا جابه يجيبه بخش=ما يدري أن الله عليمٍ با الاسرار ؟

يا ماحلا شيخة ابن ادم علـى روحـه=يمشي عزيـزٍ ورزقـه عنـد خلاقـه
ما يمشي الا على شفـه ومصلوحـه=والله كريـمٍ لخلقـه كثـر ارزاقــه

دخيـل قلبك..وعينـك لاتخليـنـي=معاد قلبي علـى فرقـاك يحتالـي
لو ربع ساعه تـرى والله تكفينـي=يطفي لهيب" بقلبي والحشى صالي

المشاركة الأصلية كتبت بواسطة سعد المقابله الله لايهينك على هذه المختارات الطيبه وصح الله لسانك ولسان الشعرا 1

المشاركة الأصلية كتبت بواسطة دغش البطي السلام عليكم ورحمة الله وبركاته العزيز الغالي أبن وتيد لم تأتي بجديد إلأ الأبداع والتفرد في المواضيع الجميله لاهنت وبيض الله وجهك يالقرم وصح الله لسانك ولسان الشعراء تقبل الود والتقدير من محبك ومحب الجميع : أبو محمد

المشاركة الأصلية كتبت بواسطة صالح الجعيدي الله لايهينك على هذه المختارات الطيبه. وصح لسانك ولسان شعارها. أخي الغالي/ابن وتيد ،،، دائماً مبدع ومتميز في الأفكار. وتقبل خالص تحيات أخوك ومحبك في الله/صالح الجعيدي

المشاركة الأصلية كتبت بواسطة ماجد المهنا السلام عليكم ورحمة الله وبركاته ابن وتيد 8 8 اذا حظرت حظر التميز صح لساااانك وسلم بنانك لاهنت

المشاركة الأصلية كتبت بواسطة الودعاني استاذنا وشاعرنا الكبير/ ابن وتيد صح لسانك ولسان الشعار .. دائماً ماتأتي الا بالطيب .. سملت يمناك ودامت عامره..

المشاركة الأصلية كتبت بواسطة المعنا بيض الله وجهك يابن وتيد على المختارات الطيبه وصح اللسان الشعار