يا صغيّر ما يكبرني لقب=وما يصغّرني إذا أنكرني صغير
ما خذينا الصيت من جمع الذهب=ولا نسابة شيخ أو قربة وزير
كاسبينه من هل السيف الحدب=الجنايز كان ما جاك النذير
صيتهم نجمٍ على راسه لهب=سمعوا الصقهان به وجه الضرير
بالوفا تاريخٍ أبيض ينتصب=لا حكم بالحق حيين الضمير
ضيغميٍ للسناعيس أنتسب=لابةٍ طلنا بها عرشٍ كبير
عند حدك يا كثير الهرج تب=ولا تمر النار وثيابك حرير
كان لك عزٍ بذلـّي فتعقب=والله إلاّ تبطي وحبلك قصير
أحسب إنك من صناديد العرب=وأثر ساترتك عباتك يا غرير
ما حسب للسوس زرّاع القصب=والقرادة ما درى عنها البعير
ولو حسبنا للحسايف والتعب=ما بذرنا يا العصافير الشعير
عن هلك أبراي لله وأحتسب=الرجال اللي مجاراهم عسير
من قريش المصطفى وأبو لهب=والدغالب ما غشت عذب الغدير
للرجال من الرجاجيل العتب=والزكاة تحل في حال الفقير
لعن أبو وقتٍ غدينا به حطب=تحرقه نارٍ يثوّرها أجير
ما ألومك والزمن سوا العجب=هو بقى غير الكرامة بالجفير
ما أذل وراسي يشم المهب=لو بقى من شمرٍ طفلٍ غرير
ما أهاب ولا يزلزلني غضب=الشجاعة ورث والعاقل غزير
يا صغيّر ما يكبـّر باللقب=غير من كان من دونه صغير