حالفٍ ماخذ علـى الطرقـي ريالـه=وبالثـلاث محـرم أنـه مايجينـي
لالقيت اللي علـى السكـة لحالـه=يلتفت ويقـول ويـن المستحينـي
أوقف الموتر حيـا وأبـي الجمالـه=يوم ولد الـلاش وجهـه مايلينـي
الطمع في كـروة الرجلـي رزالـة=خص وان جابه مجـال الغانمينـي
والردي فـي حالـة ماهـي بحالـه=واعوينـه مـن كـلام الطيبيـنـي
الردي لـو بـان مايذكـر عمالـه=مايعـد الـلاش مقصـور اليمينـي
أركبـه لعيـون مـن زيـنٍ دلالـه=ماتحاكـوا فـي قفـاه الرامسينـي
مابغى غيري وانـا مابغـى بدالـه=قاعـدٍ لـي بالرجـا مـدة سنينـي
الولد وان طاب قالوا :مـن خوالـه=وان تـردى تـر خوالـه خايبينـي
الولد وان طاب طيبه مـن خوالـه=بالخـوال يسـال قبـل الوالدينـي
أشـرب الفنجـال واكـب البيالـة=طيب واحب سلم الطيبيني
ولاقعدنـا بالعمـل بنـا الـرزالـة=ناخـذ العليـا طريـق الفايزيـنـي
قال خر الذيب من هاجـوس بالـه=كلمـة يلعـب بهـا والبـال زينـي
قالهـا يومـه طرالـه ماطـرالـه=من هواجيسٍ تشيـب المرضعينـي
غرني بعض الرجـال بكثـر مالـه=مادرى ان الموت في حبل الوتينـي
كيف ينفعني وابا(..........) خالـه=مايقوم البيـت دام السـاس طينـي
ناس وين اللـي عوايـده الجمالـة=مثل ابن ظافر حمـد ليتـه يجينـي
الثنـا والجـود دايـم فـي خيالـه=علمـه ظافـر سلـوم الطيبيـنـي
جـوّد العليـا ولزمّـهـا عيـالـه=وادركوا من علمتـه دنيـا ودينـي
واهني من باع حظه واشتـرى لـه=وسار في درب النبي وأخزى اللعيني
موقفـه مـاكـل رجــال ينـالـه=من بغـى ممشـاه يقعـد مرتينـي
كم ذبح من حايل مـن حـر مالـه=وعادته لطمـة خشـوم العايلينـي

راكب اللي لا مشى تومي حباله = لا نوى له ديرة جاها بحيني
انص خر الذيب عندي له رساله=عندنا مثله ربوع طيبيني
عندنا ابن حسين يفعل ما طرا له = يركب الطرقي وهيف للسمين
كم نقل له خبرة من حر ماله = لا لقاهم في الخلا متعطليني
ضوهم ضوه .. ودلتهم دلاله =شوف عيني واشهدو يالحاضريني
جعل يفداه الردي راعي البياله=شارب الشاهي وربعه جالسيني
والولد فان طاب طيبه من خواله=وان تردا فادروا انهم خايبيني
مشتهر بالطيب لمن جا مجاله=يطلب العليا بها فعله يبين
الصبي أن طاب طيبه من حلاله=والمراجل ذبحة الشاة السمين