غفت عين الظلام اللي سرابي والقمر ما غاب =سرى نوره على صفحة دجـاه وحنت اركابه
يدرهم بي ذلوله وستوت له غاية المنصاب =يلملمهـا على ذاك البياض ويفتح كتـابه
يرتبها يبعثرها وينثرها بليا حســاب =ويشرحهـا على ذيك السوالف ليل وطلابه
ياأخـر أول الليل الطويل المنتثر باسباب =يا أول أخر ألحان الوفـا لا غنت أسبـابه
توارى والشجاع اللي سرى بالبشت والجلباب =تحزم باصدق دموع(ن) تحير وتحرق اهـدابه
تعزوى بالنفيض من الهجير ولا وقف مرتاب=يحسب حساب لكن القدر ما ضيع احسابه
عرف ان الزمن يقرا ويكتب والحروف اغراب =عرف ان اصدق ايام الغرام اكذب من احبابه
يحوم الطير في رجوى عشاه وضربة المخلاب =حداه من الزمن واضناه وضيع راس مرقـابه
غشى المعنى سحايب صيف والحكمه فتيل احباب =يموت من القهر وجه(ن) صدق في همسة اعتابه
عليك الله يا جرح المشاعر والجروح اسراب =ترزم في مقـاديم الخفوق ومزّع حجــابه

السلام عليكم ورحمة الله وبركاته

راشد فليج


صح لسااانك مدد

يا مرحبابك ومسهلاا

اسعدنا تواجدك العذب

لاهنت

المشاركة الأصلية كتبت بواسطة عبدالله الصليبي الحقباني مرحبا ابو فليج مرحبا عداد ما سارت الركبان و سبّح الرهبان و شدت العربان مرحبا من كل قلبي راشد فليج شاعر بمعنى شاعر يرسم الفكرة و يلفّها بالعِبرة و كذلك الخِبرة فتجد في كتاباته كل جديد و مفيد حياك الله يا راشد و أهنيء منتدى قبيلة الدواسر بهذا النجم الخلوق و دام تواصلك،،،

المشاركة الأصلية كتبت بواسطة محمد الغريري راشد فليج صح الله لسانك على هذه الجزلة ابدعت يابو فليج وهذه هي البداية ومرحبا بك بين ربعك و نشكر مشرفنا الغالي عبدالله الصليبي على دعوته لك في المنتدى دمتم بود ,,, تقبل تحياتي ,,, اخوك في الله محمد الغريري