روحي لحالك و خلّيني لحالي=دام مالي قوّةٍ لك و لا حول
شدّي رحالك و أشد الرّحالي=ليمتى و الحال مبري و منحول
مبعده عنّي و وصلك محالي=عقب ذاك الرّيف مدهر و ممحول
بأفقدك يامّ العيون الكحالي=يا سقى الله ناظرٍ منك مكحول
ما لقيت اللي لوصفك يحالي=يا مهاةٍ صوّبت مثلي فحول
كنت أظنّ الوقت مرٍّ و حالي=اثر مثناة العسل سمّ مسحول
يا ترى من بعد ذا كيف حالي=الهوى يذبح زحازيح و زحول
و الله ان تبقين بين النّحالي=و أذكرك في القلب حولٍ وراء حول
ما اذكر ان فيه شيٍّ مستحالي=دون حكم الولي ما شيٍّ يحول

السلام عليكم ورحمة الله وبركاته


عبدالله الصليبي

صح لسااانك مدد

واااافيه

لاهنت