|
والردى لو ينتقدني ويش ليبـه## والسنافـي دامـح زود كلماتـي
يسعد الله مساكم بكل خير لي معاكم موضوع حساس بشتى نواحيه موجهه لأولياء الأمور وخصوصا بوقتنا الحالي المتعلق بزواج البنت بأغلى المهور للي يسوى واللي ما يسوى وطبعا من وصل إلى هالمرحلة يعتبر بايع بنته ...للأسف الشديد،،، ولكن بفضل الله إنه ماضينا قدم لنا دروس تعني بقيمة البنت وغلاها عند أهلها ..... هذه السالفة على رجل من خيرة رجال بني علي من قبيلة حرب ، كان عنده ثلاث بنات وزوج ثنتين منهم وبقت الثالثة عنده ، وبعد فترة جاء له شخص في المجلس، وبعد ما شرب القهوة قال هذا الشخص لابو البنت: تعال معي برا المجلس عندي لك كلام ، مابي الحاضرين يسمعونه... ابو البنت : حاضر ، وطلعوا برا المجلس ابو البنت : تفضل قول الكلام اللي عندك؟؟ الشخص: اطلب منك يد بنتك وأنا على استعداد لدفع المبلغ اللي انت تطلبه... ابو البنت : عندك غير هالكلام!!! الشخص : لا ابو البنت : اسمع يا ولدي، أولا انت لو كلمتني بهذا الكلام في المجلس كان مافيه لاعيب ولاخجل ، وثانيا وش اللي خلاك تقولي بأنك تدفع أي مبلغ اطلبه منك ، ومثل منت عارف زوجت خواتها بدون مهر، هل هالشئ تظنه نوع من الاغراء لي بالمال، اذا كان هذا ظنك يا ولدي فأنت غلطان ويؤسفني عدم تلبية طلبك. وبنفس الوقت كان هناك شخص حربي من ابن حمدان وكانت له بنت صغيرة بالسن وأخذ ينشد لها بعض الأبيات ويقول فيها:
يا غريب الزين بنتي يا غريبـه=يا حسين الوصف يا عنق المهاتي بنت عود ما تخجل فـي نسيبـه=ما مشى درب الطمع للمحصناتي حالف عـن بيعهـا والله رقيبـه=واقمحوا يااللي تبيعـون البناتـي رزقنا عند الولي ربـي يجيبـه=رزقنا ما هوب بيع المحصناتـي جعل بياع النسا يـردى نصيبـه=ترك الماجوب واعرض للشماتي ان عزم في بيعها تصفـى قليبـه=افزعوا له يا المعاطيب الرماتـي وخبر اللي راكب كور النجيبـه=يخبر اللي يشتـرون الطايلاتـي بيعهن عند النشامـا مـا سعيبـه=ما خبرنـا بالسلـوم الاولاتـي وبعدها سمع هالقصيدة ابو البنت الأول ورد على ابن حمدان بقصيدة رائعة ووافية واللي هي :
راكب اللي لا مشا جالة حطيبـه=موترا يطـوى بعيـد النايفاتـي فوقه من يوصل العلـم ويجيبـه=يم اخو حسنا معشي الجايعاتـي كان ابن حمدان ما طالب نسيبه=فأنا اسوق المال مع جيزت بناتي جيزتي بريال والله لـي رقيبـه=الشهود احضور والكلمة ثباتـي يوم ولد اللاش عيبه ما دريبـه=يحسب ان الطيب بيع المترفاتي من يبيع عورته يردى نصيبـه=حاسبه مولاه من بعـد المماتـي بيعة العورات من طرق المعيبه=تقصر الناموس عند الموجباتـي سببوا تعطيلهن صارت غليبـه=عنسن ببيوت اهلهـن قاعداتـي والردى لو ينتقدني ويـش ليبـه=والسنافـي دامـح زود كلماتـي وللعلم ذكر بالقصيدة (يم اخو حسنا معشي الجايعاتي) وهو بذلك يقصد الشيخ عبدالمحسن الفرم شيخ قبيلة حرب. وتقبلوا خالص تحياتي،،، م ن ق و ل |
سلمت على هذا النقل الرائع وعلى هذه القصص الجميلة
التي تربطنا بماضينا وتؤكد لنا أصالة أجدادنا ومحافظتهم على القيم والمعارف الدارجة آنذاك بخلاف وقتنا الحالي !! أكرر لك الشكر متمنياً لك التوفيق |
أخوي \ ال جعيد. الله لا يهينك وبيض الله وجهك على هذه القصه والقصيده الجيده والتي تدل على أصالة أجدادنا ومحافظتهم على القيم والمعارف الدارجة . لا تنسانا من جديدك يالقرم.. تقبل تحياتي عبدالرحمن بن سالم الشرافي مشرف منتدى قصه وقصيده |
اقتباس:
تسلم يالسنافي. مرورك شرف ،، و لاشكر على واجب. وتقبل خالص تحياتي. |
اقتباس:
ولا تهان يا أبيض الوجه يالسنافي. مرورك شرف ، وتقبل خالص تحياتي |
سلمت على هذا النقل الرائع وعلى هذه القصص الجميلة
التي تربطنا بماضينا وتؤكد لنا أصالة أجدادنا ومحافظتهم على القيم والمعارف الدارجة آنذاك بخلاف وقتنا الحالي !! أكرر لك الشكر متمنياً لك التوفيق |
اقتباس:
تسلم. و الله يوفق الجميع. و لا شكر على واجب. مرورك شرف وتقبل خالص تحياتي. |
السلام عليكم ورحمة الله وبركاته صح لسان قايل القصيده وسلمت يمين ناقلها، لا هنت والله أخوي على هالقصه والقصيده اللي تحكي واقع وحقيقه. أخوي آل جعيد....عساك عالقوه ويعطيك العافيه على المجهود الواضح والمميز في اختيار كل ما هو مفيد وممتع في الوقت ذاته. تحياتي الجوهره |
اقتباس:
تسلمين على مرورك العطر. وتقبلوا خالص تحياتي. |
لاهنت يا ذيبان والله يطول عمرك على المشاركات الجميلة
|
رد: والردى لو ينتقدني ويش ليبـه## والسنافـي دامـح زود كلماتـي
اقتباس:
من قال ما يهان ،، وما عليك زود يالقرم ،، وعمرك يطول ،، مرورك شرف. وتقبل خالص التحيات ،،، |
رد: والردى لو ينتقدني ويش ليبـه## والسنافـي دامـح زود كلماتـي
[align=center]
[size=5][frame="1 80"]
[align=center][color=#CC3300][size=5][ft=Arial]
أخي وإبن عمي الحبيب الغالي
أحسنت وبارك الله فيك على هذا الجهد الطيب
والمشاركة الرائعه وقصة جميله جداً وقصيدتين
رائعتين فبارك الله فيك
[/color][/align]
[/frame][/size] [/align] [/size][/font] |
مشاركة: والردى لو ينتقدني ويش ليبـه## والسنافـي دامـح زود كلماتـي
سلمت على هذا النقل الرائع وعلى هذه القصص الجميلة
التي تربطنا بماضينا وتؤكد لنا أصالة أجدادنا ومحافظتهم على القيم والمعارف الدارجة آنذاك بخلاف وقتنا الحالي !! أكرر لك الشكر متمنياً لك التوفيق |
مشاركة: والردى لو ينتقدني ويش ليبـه## والسنافـي دامـح زود كلماتـي
اقتباس:
أرحــــــــب يا "رعاد" ،،، تسلم يالغالي. لا شكر على واجب. لا هنت على مرورك الكريم. مع خالص التحية والتقدير ,,, |
مشاركة: والردى لو ينتقدني ويش ليبـه## والسنافـي دامـح زود كلماتـي
والردى لو ينتقدني ويش ليبـه ــــ والسنافـي دامـح زود كلماتـي
الغالى / صالح الجعيدى بيض الله وجهك على السالفه والقصيده |
الساعة الآن 07:33 PM
 |
Powered by vBulletin® Copyright ©2000 - 2025, Jelsoft Enterprises Ltd.
---