|
كم راعي ذودٍ شعوه الغياثات
بسم الله الرحمن الرحيم لقد عرف الغييثات منذ القدم بالغزو والصولات والجولات والانتصارات ولو تحدثنا عن فرسانها كانما نتحدث عن كليباً والمهلهل ودريد ابن الصمه وعنتره وعمرو بن معد يكرب الفارس المغوار ولقد اشتهر من الغييثات فرسان وشجعان كثر وعلى سبيل المثال جازع المفرع ووقيان ابن نصار وسهل ابن عويفي وسعد ابن غدفان ومشيع ابن حضرم وعبيد ابن خصيب وفواز العماني هايف ابن عيد او كما يسمى راعي البرصا وازويان الموت ادريس ابن عيد وغيهم كثر ولقد تغنا الشعراء من الخوف عندما يواجهون الغييثات فلقد قالت الخنسا القحطانيه
ادخل على الله من ركب ابن نصار =وادخل على الله من ركب اليدي وركب ابن نصار هم الغييثات واحدٍلاتحقق الشوف مغوار =واحدٍعلى تالى الركايب يعيي ولقد قال احد العجمان واصفاًالغييثي:
بندق الغييثي على الشيخان ماموره=الموت ملفض البندق ومجراها
ولقد قال هجاج ابن عيد واصفا رمي الغييثات
رصاصنا خطرٍعلى قتل العرب =خطرٍعلى الشيخان منه اتلافي
ولقد قتل على يد الغييثات امراء كثر كان فرسانا اشداء امثل فيصل المرضف ،والعضب الدويش ،وخزام المهري شيخ الدغالبه من العتبان وابن المعدل السهلي وحمد ابن نوطان المري وغيرهم كثر &&&&&&&&&&&&&&&&&&&&&&&&& ولقد تمنى احد الفرسان الشجعان مواجهت فرسان الغييثات وهو الغاوي من ال مصرا من العجمان بعد هزيمه العجمان على يد الغييثات يقول الغاوي آل مصرا العجمي:
يالله يا خلاّف شي اليا فات=ياللي لاكسر عظام ٍ جبرها فرد عليه محمد بن عيدغوج ..وذود مقيمات =غلاج كن السلاسل وبرها ياليتني واجهت خيل الغييثات=على طويلة ساق فجن نحرها اما تروح الخيل من ضربي أفوات=ولا نروح ولا يجي الاخبرها
جينا على مثل المحاحيل عجلات=بمصقلات في ليالي اخضرها والله لونك واجهت خيل الغييثات=والله انك امحق ممن تعلوا ظهرها كم راعي ذود ٍ شعوه الغييثات=وخلوه مثلك قاعدٍ على ثرها يجيك راعيها سابق ركضها افوات=مايوفي راسها من دجرها يضرب بشلفاً تلحق الحي الأموات=ان طحت ولا زقفك من ظهرها هذا هو حل القبائل قبل توحي البلاد على يد الملك عبد العزيز _طيب الله ثراه_ وتقبلوا تحياتي ابو زيد الغييثي |
كفو يا الغيثات
اللة لايهينك وبيض اللة وجهك |
ونعم بلاد غياث ولايهينون الباقين
ما قصرت يابو زيد بيض الله وجهك |
اقتباس:
ولاتهون ومرحبا ومسهلا على مرورك المشرف |
اقتباس:
ابن ساجي ابرك الساعات مرورك علينا وجهك تقبل تحياتي ابو زيد الغييثي |
لا هنت يالغييثي والنعم فيكم .
نرعى بوضحا سيرها متمرجح كنها فتاة من البني فروع وضحاً ندللها ونتبع شفها لاقعد ربيب العش معه تبوع صح لسان شاعرها الدوسري . ولا هنتوا |
كفو كفو كفو بالغييثات علمهم وطاريهم ينومس الواحد وفخرهم بفخر الدواسر
|
بندق الغييثي على الشيخان ماموره
..........................الموت ملفض البنـدق ومجراهـا كفوووو بخــوالي صبيان الغياثات وأفعالكم بينه ومعروفه كا أفعال كليب والمهلهل وفخرا لكل دوسري |
والله لونك واجهت خيل الغييثـات=والله انك امحق ممن تعلوا ظهرها
كفو والله بالغييثات قول وفعل هم هل الحرب من عصر بن بدران ابو زيد الغييثي الله يعطيك العافية وتسلم يمينك على هذا الموضوع _________ |
كفووووووووووووووووووووو بالغييثات وهم فخر لنا كلنا
لاهنت يالعالي علي الموضوع الجزل |
تسلم على الموضوع الموضوع .
ولا هنت يابن زايد . نسخت من نقلكم هذه الابيات وهي دلاله على الشجاعه :ـ جينا على مثل المحاحيل عجـلات بمصقلات فـي ليالـي اخضرهـا والله لونك واجهت خيل الغييثـات والله انك امحق ممن تعلوا ظهرها كم راعي ذود ٍ شعـوه الغييثـات وخلوه مثلك قاعـدٍ علـى ثرهـا يجيك راعيها سابق ركضها افوات مايوفـي راسهـا مـن دجرهـا يضرب بشلفاً تلحق الحي الأموات ان طحت ولا زقفك مـن ظهرهـا . تحياتي وسلامي وتقديري لكم ياهل الخيل ياهل الفزعات ومزبنين اللاجي ويامن ودوا جارهم من جداره وياواسمين العصا . افعالكم بينه يالدواسر ولا ينكرها كود الرعو والرعو لا شرهه عليه ولا شرهتاً له . بيض الله وجيهكم يالندار. |
بندق الغييثي على الشيخان ماموره
الموت ملفض البنـدق ومجراهـا بيض الله وجهك على هالسوالف الطيبة و ماهي غريبة على عزوتي الغييثات وبلا قصور بباقي الدواسر |
والله لونك واجهت خيل الغييثات=والله انك امحق ممن تعلوا ظهرها
كفووووووووووووووووووووو بالغييثات كفو بالرجال الصناديد وفعلهم فخر لجميع الدواسر لاهنت يالقرم وعسا عمرك طويل اخوك/ ابن وتيد |
السلام عليكم ورحمه الله وبركاته
وش لونكم يابني عمي ويلله حيهم ابوزيد الغيثي ارحب تراحيب المطر والغيثات كفو ولافيهم قصور ومافي الحكي فايده فيهم ؟؟ لاكن يمكنه خانك التعبير عندما ذكرت مقتل فيصل المرضف على يد الغيثات ؟؟ وأنا ابي اصحح لك المعلومه فيصل المرضف قتل على يد العمار في معركه التي صارت بين العمار والمره ومن معهم في السيح الا اذا كان عندك شاهد وشاهد السالفه قصيدتها وانا عندي القصيده قالها الشاعر : ابن عمهوج والقصيده لها تكمله وانا ماقول الكلام هذا نقص في حق الغيثات بلعكس طولت الشبيبي طولتن لي لكن مجرد تصحيح معلومه فقط لا غير وتقبلو تحياتي محسن العمــــــــــــــــــــــــ عاشق الجنوب ـــــــــــــــاري |
مشكور ياابوزيد الله لايهينك ياابن عمي
الاخ محسن العماري الشيخ فيصل المرضف قتلوه الغييثات وهي معروفه وقالها هجاج الغييثات في مطلع قصيدته دوك المرضف عند هيت ذبحناه........... وبنسبه للمرضف الذي قتلوه ال عمار في هيتهم مع ال مره هو الشيخ نايف المرضف تقبل تحياتي ال جزاء الغييثي |
الساعة الآن 04:16 PM
 |
Powered by vBulletin® Copyright ©2000 - 2025, Jelsoft Enterprises Ltd.
---