|
الحق ما يزعل زحول الرجاجيل ....
السلام عليكم ،،، القصيدة جزلة و أعجبتني ،،، قلت أنزلها لكم يالنشاما ،،، عسى أن تنال إعجابكم ،،
الحق مايزعـل زحـول الرجاجيـل=وكل على ما قيـل مـن دون حقـه ومادام لي حق عن الحق مـا اميـل=مهما لقيـت مـن التعـب و المشقـه الرجل ودك حـزة الضيـق حلحيـل=وبعض الموافق مـا تعامـل برقـه ماني بمن يرضى على النفس تذليـل=من الذل ما ارضى لو بمثقـال بقـه ولاني بمن يركض ورى القول والقيل=ولاني من اللـي لاخـذا العلـم بقـه ولا التفت لحقوق غيـري ولا اعيـل=والثوب نستـر خملتـه مـا نشقـه والراس راس ولا يعود علـى الذيـل=و الذيب ينهش باللحـم مـا استرقـه والكدش ما تحسب ليا عـدت الخيـل=ولا يجبـر المسمـار كـود المدقـه والشمس نور ونورها يجلـي الليـل=والنـار تبـدا بكـل مـا تستـدقـه والجدي مرجع والعرب عشقها سهيل=والنوخـذه يفهـم بغـبـه ورقــه والكيـف هيـل ودلتيـن وفناجيـل=وبـن ونجـر لا نضـا البـن دقـه من شب له من نور غيـره قناديـل=يستـر علـى نفسـه قبـل لا تعقـه من صد من غيضه عساها تساهيـل=نقضي ولا نتعـب ورى كـل نقـه يزعـل وترضيـه الليـال المقابيـل=وان كانهـا بالحـق حنـا نحـقـه والا فانـا ماجـاه منـي بهـاذيـل=وكانه زعل مـن موقفـي يستحقـه يشد حيله بالزعـل كـان بـه حيـل=وفي طوفته لاضـاق راسـه يطقـه ما همني لو فصل الهـرج تفصيـل=نجـم عـلا مـا كـل عيـن تحقـه اشره على بعض الرجال المشاكيـل=ما ميـزت مـا بيـن جلـه ودقـه والا الخبـول اللـي تـرد الأقاويـل=الكـل منهـم منتـه وسـط رقــه يا جاهـل كثـرة عليـك الغرابيـل=من الشوايـب ضايـع الفكـر نقـه اتعب على كسب الرجـال الحلاحيـل=والا الردي له عرض الأكتاف لقـه وقت الرخا يعجبك بالحـط والشيـل=من السطر يرقص علـى كـل دقـه يذبح ويصلخ فـي كـلام وتضليـل=وينهار لا من اشهـب الوقـت رقـه الرجل ما يخـدع بزيـف وتمثيـل=ولا يخاوى كـل مـن كـان عقـه عليك باللـي يفهـم العـدل والميـل=اليا حصل عن جـور الايـام وقـه ينفعك لا صكـت عليـك المحابيـل=هذاك حطـه فـوق راسـك ورقـه القصيدة للشاعر سعود الردعان الهاجري،،، وتقبلوا تحيات أخوكم "آل جعيد الدوسري" |
مساء الخير
|
اتعب على كسب الرجال الحلاحيل=والا الردي له عرض الأكتاف لقـه
صح لسانك ولسان الشاعر/سعود الردعان الهاجري،،، قصيده وافيه وذات معاني عظام آل جعيد الدوسري لاهنت يالقرم على نشر القصائد الجزله التي تدل على ذوقك الرفيع في اختيار القصائد الجزله انت شخص مميز ذو اختيار مميز سجل اعجابي بشخصك الكريم لك خالص الود وفائق الاحترام اخوك/ ابن وتيد |
صح لسان الشاعر وسلمت يمينك يالجعيدي
ولاني بمن يركض ورى القول والقيل ........ ولاني من اللي لاخـذا العلـم بقـه بيت يستحق الأعجاب وياليت كل الناس تقتدي به |
والراس راس ولا يعود على الذيـل=و الذيب ينهش باللحم ما استرقـه والكدش ما تحسب ليا عدت الخيـل=ولا يجبـر المسمـار كـود المدقـه والشمس نور ونورها يجلي الليـل=والنار تبـدا بكـل مـا تستدقـه والجدي مرجع والعرب عشقها سهيل=والنوخـذه يفهـم بغبـه ورقــه والكيف هيـل ودلتيـن وفناجيـل=وبـن ونجـر لا نضـا البـن دقـه الله الله الله على الحكم الجميله الأخ العزيز الغالي : "آل جعيد الدوسري" بيض الله وجهك يالقرم على هذه الفاتنة وصح الله لسانك ولسان الشاعر : سعود الردعان الهاجري،،، لاتحرمنا من مثل هذه الدرر تحياتي العطره محبك ومحب الجميع : دغش البطي |
تسلم يمينك ولاهنت
وصح لسان الشاعر |
أخواني النشاما : عبدالله الصخيبري و ابن وتيد و ابن مشخص الغييثي و دغش البطي و يحيى الودعاني أشــــــــكــــــــر لـــــــــكـــــــم مــروركــــم الــعــطـــر و أعـــتـــز فــيــه. و هذا أقل شي أقدمه لمنتدنا الطيب. وبيض الله وجيهكم جميعاً . وتقبلوا تحيات أخوكم/ آل جعيد الدوسري |
رد: الحق ما يزعل زحول الرجاجيل ....
صح لسانك ولسان الشاعر/سعود الردعان الهاجري،،،
قصيده وافيه وذات معاني عظام آل جعيد الدوسري لاهنت يالقرم على نشر القصائد الجزله التي تدل على ذوقك الرفيع في اختيار القصائد الجزله انت شخص مميز ذو اختيار مميز لك خالص الود وفائق الاحترام اخوك/ رعاد |
رد: الحق ما يزعل زحول الرجاجيل ....
اقتباس:
من قال ما يهان أخي الغالي/ رعاد ،،، صح بدنك ،ولا عليك زود . التميز هو وجودك يالنشمي. أشكرك جزيل الشكر على مرورك الكريم. وتقبل خالص التحيات،،،، |
الساعة الآن 11:41 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
