تغييييير الانساب
 

⚡⚡تغييييير الانساب⚡⚡


الله من وقت (ن)ياشين اعلومه
وقت (ن) يحير صاحب الالباب

وقت(ن)تغير شاخ فيه البومه
والحر يتبع بومة الخراب

لاعاد له مطلاع ولا حومه
والوكر بدل صاحبه باصحاب

ناس تعد انفوسها شغمومه
وتشري بكثر المال طيب انساب

وهو من اول ساترته هدومه
وفي شان عمه وش بغا له جاب

لو ساق ماله في غيار وسومه
اغراب مايرث ياكود غراب

وشيخ(ن)خذا ماله بشين اعلومه
ويمثل اربوعه مع الاجناب

ليت الحكومة يسحبون ختومه
ويدق خشم مزور الانساب

ناصربن مدعث