::: مـنتدى قبيلـة الـدواسـر الـرسمي ::: - الا يالهبوب الباردة عجلي هبي ( قصيدة صوتية لسعد بن جدلان الاكلبي )

- :: قسم الـشعر العــام :: (http://alduwaser.org/vb/forumdisplay.php?f=16)

الا يالهبوب الباردة عجلي هبي ( قصيدة صوتية لسعد بن جدلان الاكلبي )


	لسماع القصيدة: الا يا الهبوب الباردة عجلي هبي الا يالهبوب الباردة عجلي هبي=على جاش من قامت هواجيسه تلوبه انا مرةٍ اصحى ومره يغيبي=واسرح معا كثر الطواري بغيبوبه الا يادهر ما هو بحقٍ تلاعبي=وخليتني لمقرد الخلق لعبوبه عبادٍ مغفلها الزمان وتعجبي=يحسبون قل المال فالرجل عذروبه وانا قانعٍ باللي علي كاتبه ربي=ومؤمن بمقدوره وقانع بمكتوبه ولا ابغى عمى الاريا برايه يجربي=وهو ما عرف ماجوب ربي وما جوبه هدور المجالس راعي المدح والسبي=وهو بالخلا لو جاه بنتٍ خذت ثوبه يقولون لي تب من تصرفك وتحبي=وهي توبتي من مجتمعهم هي التوبه ديار الوبا من طبها راح متوبي=وقرابة الجربا على الحول مجروبه انا عارفٍ منصاي ليا من بدا نبي=وعارف طريقي والذي باتجه صوبه وانا اعرف من اعادي وانا اعرف من احبي=وبه ناس لاتعرف ولاهي بمحبوبه

صح الله لسانك يابو حمد ولسان قايلها وبيض الله وجهك على المشاركه الطيبه ,,,,

صح لسان قايلها وسلمت يمين ناقلها ... شعر الأكلبي لطالما حمل لنا الكثير من الحكم والابداع الشعري الذي لا يوازيه ابداع.... لك الشكر الجزيل أخي على ما خطه قلمك ونقلته لنا....

لا هنت يالشامري

قصيده هادفه وتنبي عن ايمان الشاعر بتقسيم الارزاق

الله لايحرمه رزق الدارين0

بيض الله وجهك يابوحمد على ذي القصيدة والتنسيق الطيب

ما شاء الله ويش ذا التوقيع الزين ما تظبطنا يابوحمد

انـا مــرةٍ اصـحـى ومــره يغيـبـي=واسـرح معـا كثـر الطـواري بغيبوبـه

صح السان الشاعر وتسلم يمينك يالشامري.

تحيات/عــــــامــــــر الــحــــراجين..

مرحبا الف بك من الاخوة والاخوات :

( نايف ، النادرة ، النايف1 ، العماني ، عامر الحراجين )

بيض الله وجيهكم على التعقيب والكلام الطيب لا هنتم.

وابشر بالتوقيع با ابو مبارك ارسل وش انت تبغي وانا اسويه لك غالي والطلب توقيع

لا هنت يابو محمد على الانتقاء الطيب

وصح لسان الشاعر سعد الاكلبي

لاهنت يابوحمد الشامرى

صح لسانك ولسان بن جدلان

تسلم على النقل المميز

عاطر التحايا
هند

لا هنتم ( الاخ كاسب الطيب والاخت هند ) ما قصرتم على الكلام الطيب