والله انه مالعـب بـي ولا بيـح خفـاي=كون شي ً يعتلقني مـع حـل الغـروب
ضيقة ً تلعب بصدري وتلحقنـيقصـاي=لاقبل الليل بضلامه وهبت مـن جنـوب
اغدي كني لحالي ولا شخـص سـواي=رغم زحمات الشوارع وزحمات الدروب
وانعزل وابقى لوحدي ولا يبقـى معـاي=كون جوالي مسكر ومضمـون الجيـوب
والتفت لطول طويل ً واحطه في نحـاي=واطلعه وشماغ راسي تلاوفهـا الهبـوب
تعكس الصوره بقلبي وخفقه في حشـاي=ولونها وشلون ناره الـى زادت شبـوب
مابديتـه كـودً ادلـه ولا ادور شــلاي=بس انا ماهو بكيفي على الرجم مغصوب
داري ويـش النتيجـه وداريً وش وراي=غير قدهي لي طبيعه ولا منهـا هـروب
واقبلت صوبي همومً تجيني فـي خـلاي=لاقبل الليل بضلامه تجي من كل صـوب
والله انـه ماغترنـي وداري وش بـلاي=غير انا مارضى الهزيمه ولا اقول مغلوب
مخطيً في حق ذاتي وانا اتحمل خطـاي=كل رجلً له محاسن وتلقـى لـه عيـوب
غلطتي حبيت مثلـك وعذروبـي وفـاي=قمت اصدق ماتقوله وانا اعرفك كـذوب
ااااااااااااه ياجوعً بصدري عليك وياضماي=ولا حصلي منك قوتً ولا حتى شـروب