::: مـنتدى قبيلـة الـدواسـر الـرسمي ::: - معركة بين الوداعين وقبيلة ال مرة

وقعه بين ال مره والوداعين

غزوا ال مره الوداعين واخذوا الابل واقفوا بها ولحقهم الوداعين وحصلت بينهم وقعه شرسه وانتصروا فيهااا الوداعين الدواسر:
وبهذه المناسبه قال الشاعرمبارك ابن شيبان ال ضويان(الهذية) رحمة اللة هذه القصيده:

يوم ان ابن شيبان يديـر التفاكيـر=وده يـروح لـه ركايـب وركـاب

شدوا على ستيـن وجنـا مواقيـر=مقفـلات كنهـن عقـب مـطـلاب

موسـم ماهـوب وسـم المناصيـر=الا مبيعيج علـى عطـف الأرقـاب

يازينهـا صـف بلـيـا مدافـيـر=ومن الظفر ماجنبـت كـل مرقـاب

واهل الأشدة كـل ابوهـم مشاهيـر=وعلى عيوز اكوارها كـل معطـاب

تنصى لنا الجريان هم والمصاريـر=اهل الظفر لاجات صولات الأجنـاب

لحقوا على قـب سـواة النواعيـر=الأصايل اللـي عربوهـا بالانسـاب

واهل التوالـي علقوهـا الشوابيـر=تكثح على اللي قاعد الخـد بتـراب

قولوا غزانا جـردة مـن الجوافيـر=قوم وقايدهـم علينـا ابـن جـلاّب

ساروا ولا لقيوا على القـاع تأثيـر=لين اشرف البادي على راس مرقاب

قال ابشروا بالبـل كبـار الجنافيـر=ابشر وسرح الحضر ماهوب ينهـاب

يوم اقبلت كنهـا ركـوز النواعيـر=ترثع وحذفـوا العـوادي بالاسـلاب

راحت على الغفران واقفـوا مدابيـر=يوم الهدايا بيننـا صـب الاصـلاب

المري اللـي كـان مافيـه تنكيـر=لو كان ياتينا مـن العبـر ماهـاب

اليـوم بـار وبـوره نيّـة الخيـر=واصبح لنا ابن بقيع اليـوم حـراب

ياطول ماله وسط الأطـوا دواويـر=مصداره القانس ويشرب على اشراب

ذولا على مـدي وذولا علـى بيـر=وذولاك في القطعة يطقون الاطنـاب

وان صاح صياح ورا المال تذويـر=لووا على روس الغتـر بالتعصـاب

ابن جلاب : من ال مره
الجوافير: مرتع اللابل شرق يبرين في ديار ال مره
الغفران: من ال شبيب من ال مره
ابن بقيع : من ال مره