|
نيابةٍ عن يام والشيخ راكان ... رثاء الملك(رحمه الله)
السلام عليكم ورحمة الله وبركاته
هذه القصيدة للشاعر الرائع / سالم بن جخير بن نادر العرجاني العجمي ,,, يرثي فيها خادم الحرمين الشريفين الملك / فهد بن عبدالعزيز ال سعود ( رحمه الله ) يقول فيها:
اعوذ بالرحمـن مـن كـل شيطـان=ومن الغدر ومـن الحسـد والعمايـل والى ابتدى ليـل القصايـد والالحـان=بديـت واشفيـت النفـوس الغلايـل وانا ماشوش الا على صهلة حصـان=وعلـى عـزاوي ناقضـات الجدايـل مانيب اخوض الحرب في كل ميـدان=اليـن يشعفنـي صهيـل الاصـايـل الله خلق لي فكـر وعيـون ولسـان=اقـدر امـيـز واتكـلـم واخـايـل نيابـةٍ عـن يـام والشيـخ راكـان=وقفـت امثـل لـي شعـوب وقبايـل وذبيت فـي راس الطويلـة مسيـان=والحيل مامـن حيـل والدمـع سايـل ومن البكـا سالـت مـلازم ووديـان=وحتى الطويله مـن دموعـي تهايـل وبكوا على صوتي شغاميـم نجـران=وبكوا على صوتـي شغاميـم حايـل عليـك ياعـز العروبـه اكحـيـلان=عز العـرب رمـز الوفـا والجمايـل ملـك ومتواضـع وللعـز عـنـوان=حذفـك بعيـد وشبـر يمنـاك طايـل اسمك الحالـه يرجـح بكـل ميـزان=وذكرك مابين الناس صايـل وجايـل من لا انجبت مثلك على مر الازمـان=احسن لها تبقى علـى طـول حايـل ومن لا نهج نهجك على سنان وعنـان=ماظنتـي يدعـى صبـي الصمـايـل تركتنا فـي عـز فـي امـن وامـان=وانعـام ماتحصـى وخيـر وفضايـل موتك فجيعـه حلـت بكـل الاوطـان=مـن هولهـا شفنـا نجـوم القوايـل يومٍ بـدى مظلـم تباشيـره احـزان=تقول فـي يـوم الحشـر والهوايـل لكن عزانا فـي هـل العـز والشـان=اخـوان نـوره مقُـدم اعيـال وايـل العزوه اللـي لكتسـى الجـو دخـان=افعالهـم تلغـي جمـيـع الفعـايـل نرسل عزانا صوب ذربيـن الايمـان=ونجـدد البيعـه بـكـل الوسـايـل ونرفـع يدينـا كلنـا سـر واعـلان=وندعي لهـم بالفـرض والا النفايـل على العهد باقيـن انصـار واعـوان=ماخانـوا العشـره اعيـال الحمايـل ماعندنـا بايـر وكــاذب وخــوان=نصدق مثل صادق حقـوق المخايـل لعيون (عبد الله) ولعيـون (سلطـان)=ناقف ونـردع كـل غـازي وعايـل هـذي عوايدنـا مقـلـع وخـبـلان=والـى نوينـا يعتـدل كـل مـايـل ناتي كـذا خبـلان صقهـان عميـان=ونـذود دون معوبسـات الشمـايـل حنا نهـار الضيـق رئاسـة اركـان=حنـا الكتايـب واللـوا والفصـايـل حنـا لقادتنـا مـحـازم وفـرسـان=ضد الغـدر ضـد الجهـل والتحايـل من عهدنـا الاول إلـى عهدنـا الآن=وحنا علـى نهـج الجـدود الاوايـل والحكم لال سعـود والضـد خسـران=وعندي على قولـي شهـود ودلايـل ومن لا اعتبر يقلط على السيف شامان=وماله عن المـوت المحقـق بدايـل اقولهـا مـن قلـب يغشـاه الايمـان=واعيدها لاقيـل ويـش انـت قايـل ؟ وان ودع بليهـان يـاتـي بليـهـان=وحنا بامـن وامـان والشـك زايـل وسلامتـــــــــــــكم ,,, عسى ان تنال المرثيه على إعجابكم ,,, تقبلوا تحياتي اخيكم / راكان العجمي ,,, |
لعيون (عبد الله) ولعيـون (سلطـان)=ناقف ونـردع كـل غـازي وعايـل هـذي عوايدنـا مقـلـع وخـبـلان=والـى نوينـا يعتـدل كـل مـايـل كفو والله .. الله يرحم الملك ويسكنه فسيح جناته.. ولاهنت اخوي \ راكان .. على سرد هذه القصيده الجزله لنا.. وتقبل تحياتي... |
|
الاخ الفاضل / عبدالرحمن الشرافي ,,,
ومن يقول ما يهان يا كحيلان ,,, ولا يزيد الموضوع شرف غير مرورك العطر ,,, تسلم يمينك على المتابعه المستمره ,,, وجعل شيبان جابوك في الجنه ,,, تقبل فائق التقدير والإحترام ,,, |
راكان الله يصح السانك والسان قايله الشاعر سالم بن جخير بن نادر العرجاني العجمي
|
اخوي راكان
يعطيك العافيه علا القصيده الجزله والرائعه والله لايهينك ولا يهين قايلها وسلمت يمينك على الاختيار الموفق اخوك ذياب اليامي |
السلام عليكم ورحمة الله وبركاته
اخوي راكان يعطيك العافيه على القصيده الجزله والرائعه والله لايهينك ولا يهين قايلها الشاعر : سالم بن جخير العرجاني وسلمت يمينك على الاختيار الموفق اخوك دغش البطي |
<<<<<<<<<<
اقتباس:
الاخ/ مسفر المصارير ,,, صــــح بدنـــــك يالقرم ,,, ولاهنت على المرور ,,, تقبل تحياتي وتقديري ,,, |
الاخ / ذيبان الدوسري ,,,
صح بدنك يالقرم ,,, ولاهنت على المرور ,,, تقبل تحياتي ,,, |
لاهنت ياراس الرجاجيل لاهنت
|
لاهنت أخوي راكان ويعطيك العافيه على القصيده
وصح الله لسان الشاعر سالم جخير العرجانــي وبيــض الله وجــــــــهــك ياالقـــــرم تقبـل تـحياتي أخوك الصـقــر الـحـر |
|
الاخ / ذياب اليامي ,,,
ولا انت يالقرم ,,, وتسلم يمينك على المرور العطر ,,, |
الله يغفر لملكنا ويرحمه
وأموات المسلمين |
>>>>>>>>>
اقتباس:
الاخ العزيز / دغش البطي ,,, ومن يقول ما يهان يالقرم ,,, ومرورك يشرفني ,,, تقبل تحياتي ,,, |
الساعة الآن 10:00 PM
 |
Powered by vBulletin® Copyright ©2000 - 2025, Jelsoft Enterprises Ltd.
---
