::: مـنتدى قبيلـة الـدواسـر الـرسمي ::: - قصيدة مدح في ماجد بن خالد بن مدعج الفصّام

- :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)

- - قصيدة مدح في ماجد بن خالد بن مدعج الفصّام (http://alduwaser.org/vb/showthread.php?t=66168)

قصيدة مدح في ماجد بن خالد بن مدعج الفصّام

السلام عليكم ورحمة الله وبركاته:
اسعد الله اوقاتكم بالخير والمسرات

وبعد ، يسرني ان انقل لكم هذه القصيدة الجزلة في ابن العم ماجد بن خالد بن مدعج الفصام قالها الشاعر جمل بن محبوب المسردي القحطاني:

‏الطيب طبع ولايجي بالمنوه..
مخبلك يا الي تحسبه بالمناوي..

تلقاه عند اهل الوفا والمروه..
عند الدواسر مبعدين الهقاوي..

ماقلدو في الطيب حضرة سموه..
وميرادهم في الجود عد رهاوي..

ولاحسبو للمال كثره وشوه..
وفقيرهم يكرم وكنه غناوي..

وفي الدين كنهم من سلايل نبوه..
ترجع لفتواهم شيوخ الفتاوي..

دواسر في الحرب صطوه وقوه..
وحرابهم يونس على الكبد كاوي..

فيهم على كسر المعادي جروه..
ويصطون لاطاحت عزوم الرخاوي..

الي خذو في المجد قمة علوه..
ويلمع نباهم مثل نجم سماوي..

واخص فيها عيال مسعر وانوه..
حماية الذيدان يوم العزاوي..

امثال شيخ في الكرم شب ضوه..
ماجد راعي الطولات حر نداوي..

شيخ نهار الضيق فعله يتوه..
الابلج الي للنواميس حاوي..

مواكب الامداح خلفه وتوه ..
وانا على مدح ابن مدعج شفاوي..

رد: قصيدة مدح في ماجد بن خالد بن مدعج الفصّام

بيض الله وجهك يابومحسن على
وصح الله لسان شاعرها
ويستاهل الممدوح وكفو لها

رد: قصيدة مدح في ماجد بن خالد بن مدعج الفصّام

صح الله السان الشاعر جمل بن محبوب المسردي القحطاني

ومن كريم لمستحق

ويستاهل ماجد بن خالد بن مدعج الفصام

وابيض وجه يابومحسن على طرح القصيده

وتقبل تقديري واحترامي

رد: قصيدة مدح في ماجد بن خالد بن مدعج الفصّام

الله على الجزاله

صح لسان بن محبوب المسردي لين يرضى ولاعليه زود وربعه

ماجد بن فصام كُفو ويستاهل المدح

سلمت ولاهنت يا ابو محسن على الطرح الجــــزل ..

رد: قصيدة مدح في ماجد بن خالد بن مدعج الفصّام

‏الطيب طبع ولايجي بالمنوه..
مخبلك يا الي تحسبه بالمناوي..

حلوا بذا البيت صح لسان المسردي ويستاهل ابن مدعج ماقيل فيه
لاهنت يابومحسن لنقل الجزالة من رجلن جزل