|
ماجـــــــــــور
ماجور يا شاكي عنى الوقت ماجور=وفي القلب من بعض المخاليق حره دنيا غريبه ما بها شي محظور =مره تجي عالشف وتخيب مره كم واحد بحظوره اِيضيّيق اِصدور=وفي غيبته ما تسلم الناس شره وكم واحد بحظوره الكل مسرور=ويفقَد ليا من غاب لله دره وكم واحد غاوي ولا يسمع الشور=فتان والشيطان للذنب جره وكم واحد يسوى في الحرب طابور=وفالسلم تلقى الناس منه المبره وكم واحد عينه على الخلق ناظور=جميع عثرات البشر ما تغره وكم واحد صافي سريره ومستور=يموت ما بيح بمكنون سره وكم واحد يضحك وخاطره مكسور=ولا شاف في دنياه شي يسره وكم واحد يشكي من الظلم والجور=ولا شاف من شكواه غير المضره وكم شاعر يكتب على أوزان وبحور=ونجمه سطع ويدور ضمن المجره لكن زادت نفسه وصابه اغرور=وبشعره من أقرب قريب تشره وكم ديرة وان صابها وابل بور=حتى ولو للسيل فيها ألف جره وكم وادي وإن كان ما هو بممطور=إن ضاق صدرك لازم إنك تمره دنيا غريبه ما بها شي محظور =مره تجي عالشف وتخيب مره تحياتي للجميع الأحد 10 رجب 1434 |
رد: ماجـــــــــــور
الله الله عليك ياالامير
أبيات في قمة الروعة والجمال كم واحد وكم واحد وكم واحد بالفعل وأمثله سليمة وصحيحة وأشهد إنك صدقت في قولك: كم واحد بحظوره اِيضيّيق اِصدور وفي غيبته ما تسلم الناس شره وكم واحد بحظوره الكل مسرور ويفقَد ليا من غاب لله دره لله درّك انت ، صح لسانك وسلم فكرك يالجزل تقبل ودي وتقديري ،،،، |
رد: ماجـــــــــــور
اقتباس:
المشاركة الأصلية كتبت بواسطة راشد المسعري http://www.alduwaser.org/vb/al-dowas...s/viewpost.gif الله الله عليك ياالامير أبيات في قمة الروعة والجمال كم واحد وكم واحد وكم واحد بالفعل وأمثله سليمة وصحيحة وأشهد إنك صدقت في قولك: كم واحد بحظوره اِيضيّيق اِصدور وفي غيبته ما تسلم الناس شره وكم واحد بحظوره الكل مسرور ويفقَد ليا من غاب لله دره لله درّك انت ، صح لسانك وسلم فكرك يالجزل تقبل ودي وتقديري ،،،، اخي الغالي راشد الدوسري شرفتني الله يطول عمرك بهذا المرور الرائع تقبل فائق احترامي وشكري وتقديري |
رد: ماجـــــــــــور
نص شامخ وجزل
صح السانك شاعرنا |
رد: ماجـــــــــــور
ياسلام ياسلام
حاولت اقتبس بيت او بيتين ونسخت القصيده كلها لجمالهما وروعتها صح لسانك مدد وبلا عدد تحياتي واحترامي |
الساعة الآن 09:05 PM
 |
Powered by vBulletin® Copyright ©2000 - 2025, Jelsoft Enterprises Ltd.
---