هذه قصيدة مدح لي انا الشاعر عبد الله مبارك الدوسري ( ا بو خالد ) في قبيلة الدواسر


يالله المطلوب ياعالم خفيات الأمور = يامدير للهبايب ومنشي الممطرات
ياعليمن ماتكنه خفيات الصدور = ياجيليل الملك يارب كل الكاينات
ياولين تولج الليل بطراف النهار = نطلبك فالموقف الحرج عفوك والثبات
واهدني في مانويته الى درب الرشاد = ياعليم الخافيه ياعليم البينات
وبعد ذكر الله توحو كلامي وش بقول = عن طويل القول بجيب بعض الموجزات
شاعر موهوب والحفل عند ربعي ومعزوم = وش باقي بذخره لليالي المقبلات
قربو بيض الصحايف وجيبو كاتبين = وسجلو هيض المشاعر بعد غابت وجات
حضرن من عقب ماغيبن وقت طويل = شردن عن قاصر الباع يابن عايفات
وسمهن واحد وعشرين وفهم يافهيم = وعينتهن في نحور البنات المترفات
شردن من صيد فكر يجيب اللي ثمين = جابهن من منجمن مالشوايب صافيات
وامدح اللي فعلهم بان في وقت اللزوم = موقف يجبرني اقول ماش مجاملات
من دعم من حر ماله عسى عمره طويل = ترفع البيضا لهم فوق روس النايفات
ومن توخر عن هل الركب ماهوب معذور = ويش عذره دام ياجد بترك الواجبات
كل شغلن نركنه لابدا وقت اللزوم = نجمع اوراقه ونودعه ضمن المهملات
وبعد ماوجزت القصيدة يجي علمن جديد = اسمعو مضمونها في البيوت المقبلات
اتقدم وامدح اللي يسدون اللزوم = في ظهور الجيش ولا ظهور المسرجات
واجب من واجباتي وهم يستاهلون = والعلوم اللي توحون مصدرهن ثبات
مستمده من تواريخ جيل بعد جيل = فالسنين الماضيه والسنين الحاضرات
ويشهد ابن مطرف وشاهده قوز الشريف = ويشهد بما اقول ضرب السيوف المرهفات
وقفو دون الدخيل وطليبه مايشوف = جاء عمى مايشوف وانكف اعيونه مبصرات
فعل من فعل الدواسر يشرف قايله = واتنومس يوم اعد الفعول الثابتات
وفعلنا يوم المرد ايتورخ ومعروف = واضح ماقول واظن الدعاوي بينات
ولو حصل فالامر تحريف ماشي يضيع = وتكفي الحر الاشاره بدون موضحات
والدواسر لو بعدد جميع افعولها = تشرق وتغرب وانا اعد وتجف الدوات
ولا ينقص مدح ربعي طويلين الشبور = كلن بفعله وماضيه ترويه الروات
ادخل الله من الاجاويد مهضم حقهم = الله انه يحول بيني وبين والناقصات
وسامحوني ياهل العرف كان ابها قصور = وتمت وصلو على اللي جمع كل الصفات