::: مـنتدى قبيلـة الـدواسـر الـرسمي :::

هذه القصيده مرسله من الشاعر بداح بن سعود المصارير الدوسري

الى

الشاعر عبدالله بن مبارك المساعره الدوسري

يـامــل قــلــبٍ كــــل ماقـلـتـنـا ســــج = قـــام يـتـذكــر مـاضـيــات السـنـيـنـي

شــر الهـجـوس الـواجـده رجـتـه رج = رجــــة ابــولــفٍ رجــهــا بـانـزيـنــي

إليـا طرالـي راعـي الـرمـش الأدعــج = عـى لذيـذ الـنـوم عــن مــوق عيـنـي

ابــو ثـمــان بـيــض مافـيـهـن افـلــج = والنهـد فـي صـدره كـبـر حــب تيـنـي

والجسـم لامـن اعتـرض كنـه اعــوج = يشـبـه لـعـود الـسـاج خـضــرٍ يـلـنـي

والعـنـق عـنـق غـزيــلٍ ذيـــر وهـــج = إلى إلتفت من فـوق عـرض البطينـي

حبـه قـطـع قلـبـي يـخـج الحشـاءخـج = خـجــت سكـاكـيـنٍ بـجـلـد السمـيـنـي

يابـن شهـبـان الـيـوم يـاويـن ابنـهـج = ولو صحت بأعلا الصوت وينه ويني

وحـار الهجيـج وصايـرٍ كـنـي اعــرج = ولاتـصـفـق الـيـسـرى بـلـيـا يمـيـنـي

وإن كـان لـك قــدره وحيـلـه وتحـتـج = فـقـنـع ولـــيٍ حـــال بـيـنــه وبـيـنــي

مـــن دونـهــا نـــاس عـلـيـه تـنـافـج = ولاضنـتـي بالـزيـن لــي مرخصيـنـي

يـوم انتخيـبـك عـارفـك تقـطـع افــرج = ذيــبٍ تعـشـى مــن حـــلال القطـيـنـي

والـحـب مـابــه عـيــب لـلــي تـولــج = يـابـومـبــارك ســنـــة المـسـلـمـيـنـي

بصري ماتاب من الهوى عقب ماحج = دنـق يـحـب وحــب ورعــن حسيـنـي

قـال اتركونـي ساكنـي بالـهـوى عــج = ولالـي عـن اللـي ينكتـب فـي جبينـي

هاذا رد الشاعر عبدالله مبارك المساعره الدوسري

يامـرحـبـا تـرحـيــب نــــاره تــوهــج = يـجـذب سـنـاه الـــورد والصـادريـنـي

تـرحـيــب يــابــداح وافــــي مـدبـلــج = عـلــى الـوفــاء والـطـيـب للطيبـيـنـي

بالي نصـا يشكـي هـواء الخـل الأغنـج = ويـقــول حـالــو دونـــه الخـاربـيـنـي

ويـنـخـا ويبـغـالـه طـريــقٍ ومـنـهــج = وواجــب أنلـبـي نـخــوة المنتخـيـنـي

واجــب ومــن يـتـرك مواجـبـه يفـلـج = يـفـتــح عـلـيــه الــبــاب للمـدعـيـنـي

يالـي علـى اسنـدت تشـكـي ومـزعـج = لــك بـأبــذل المـجـهـود والله يعـيـنـي

كـنــك عـلــى هـــداج تـيـمـا تـبـرهـج = فـــي لازمـــك بـنـقــوم مانستـعـيـنـي

بـالـجـاه ولا الــمــال دامــــة تـعـالــج = فـلـهـا بـجـيـب عـــلا ج ومعالجـيـنـي

مــادام فـيـهـا حـــل والـبــاب مـزلــج = ما أبغاء العبث قبل الحدث لي عويني

وإن كـان حـار الطـب الأطـرم تـهـرج = ويـصـيـر عــلــمٍ والـنـتـايـج تـبـيـنـي

نــارد وعـقـب الضـيـق لا بــد تـفـرج = ويصـيـر عـقـب الحـلـم عـلـم يقـيـنـي

ماعاش مـن لاهـاش بالسيـف الابلـج = يـمـوت مكـفـوف الـبـصـر واليـديـنـي

لـكــن قـبــل يـصـيــر عــلــمٍ يــــروج = نبغـا الوسيمـه وانــت رجــل فطيـنـي

روحــــت دوارٍ وعـــــود ولا انــتـــج = والعـذر يابـن سـعـود جـابـه سميـنـي

قــال الذهـيـب الغـفـل تـطـرد وتـولـج = وتذهـب وتـذهـب بأثـرهـا المذهبيـنـي

يـقـولـه الـــي بـعــد درســـه تـخــرج = والـعـرف مايـعـرض عـلـى عارفيـنـي

جــاك الـجـواب ورحـلـتـي بـالـمـدرج = و جـهـلـهــا لا تــحــيــر الـقـادمـيـنــي