::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - دارٍ خلت (http://alduwaser.org/vb/showthread.php?t=64618)

نايف العمار

08-01-2013 10:50 PM

دارٍ خلت

دارٍ خلت وشدوا عنها أهلها
ماعاد نلقى عقب أثرهم علامات

منزالهم خاوي وموحش محله
مافيه غير البوم ينعي بالاصوات

ذكرت خلان مشوا به وداجوا
أهل النقاء واهل الشيم والمروات

راحوا وماكن الديار اسكنوها
ماكن فيها الوجيه السفيرات

وقفت يوم (ن) عقب عام اتفكر
باللي لهم وقت الشدايد مهمات

يردون حوض الموت ماهاب واحد
من ضربهم تسمعهم أهل السموات

وجدي عليهم كل مالاح بارق
وعداد مادار الفضا من مجرات

يقولها منهو برى الوجد حاله
يغيب ويصحى على عصر مضى فات

وسلامتكم

خالد المشاويه

09-01-2013 10:21 PM

رد: دارٍ خلت

صح الله لسانك ولاهنت

نايف العمار

11-01-2013 12:50 PM

رد: دارٍ خلت

صحت ابدانك ولاهنت على المرور
وبالمناسبه حبيت اضيف مناسبة القصيده
هذه القصيده قيلت عام 2007م بعد وفاة اخي نواف بعام في افغانستان رحمه الله رحمة واسعه والله يتقبله يارب

نآصر البدراني

12-01-2013 09:47 AM

رد: دارٍ خلت

سلمت وصح لسانك وزاد قدرك وشانك وبيض الله وجهك

الله يرحم نواف ويتجاوز عنه ويتقبله في الشهداء اللهم آمين ..

راشد المسعري

13-01-2013 11:32 AM

رد: دارٍ خلت

صح لسانك يانواف على القصيدة الجزلة

ورحم الله نواف وعسى الله يتقبله مع الشهداء والصديقين

وننتظر جديدك ياغالي ،،،

شافي بن راشد النتيفات

17-01-2013 12:42 AM

رد: دارٍ خلت

كالعادة ابداع رائع

وطرح يستحق المتابعة

شكراً لك

بانتظار الجديد القادم
دمت بكل خير

نايف العمار

22-01-2013 08:33 PM

رد: دارٍ خلت

اسعدني مروركم واطلالتكم المشرقه
كل الشكر والتقدير لمن مر هنا مع أطيب المنى

الساعة الآن 12:09 PM