|
قصة البنت والذيب
هذي قصة بنت كانت متزوجة من قبيلة غير قبيلتها وصار بين قبيلتها وقبيلة زوجها خلاف و عداوة بعد هذا الزواج .... المهم ... البنت لها أخو ونوى هالاخو أنه يغير على إبل القبيلة التي فيها أنسابه ليأخذها واتفق مع أخته أنها تخبره بمكان الابل حين يصل الى منازلهم اللي هم فيه وأتفق مع أخته على كلمة السر وهي أنه سوف يعوي مثل عواء الذئب عند وصوله حولهم لاجل ترد عليه أخته بأبيات شعر تدله فيها على مكان مراده ( ألآبل ) وكأنها تخاطب الذيب , فلما كان الهزيع الأخير من الليل وصل الرجال الى منازل قبيلة زوج أخته في الموعد المحدد معها فرفع صوته بالعواء كأنه ذيب كما هو متفق عليه فقالت أخته بصوت مرتفع يسمعه :
يا ذيب ياللي جر صوت عوى به ...................... ما ادري ظما والا من الجوع يا ذيب يا ذيب لا تطــردك عـنا المهـابه ...................... طــرش العـرب بالـبر كلـه عـوازيـب تلقى العشا لك في خشوم العقابه ...................... في روضة الرواح وان تهـت يا ذيب المهم سمعتها وحده من عجز قبيلة زوجها بيتها جنبها وكانت صاحيه ما نامت 00 وسمعت عواء الذيب وقصيدة البنت اللي هي رد على عواء الذيب وظنت ظن السؤ أنها تحدد موعد مع عشيق لها وأنهم متفقين على العلم الردي فقالت لها العجوز هالابيات تحذرها :ـ يا بنت حذرا لا يعضك بنابه .................... ترى معض الذيـب ما به تطابيـب يترك مثل البكرة اللي جلابه ..................... ليا حافها السوام يلقى عذاريب يخلى جنابك مثل دار خرابه ..................... تصـير للفـار المخــرب ملاعـيـب فـزت البنت مثل المقروصه من مكانها وقامت واقفه من هول ظن السؤ وردة على العجوز نافية عن نفسها الاتهام بالرذيلة مبينة لها أنها ماهي هي راعية الردا والعلوم الرديه وأنها أشرف من الشرف وقالت : وحياة جلاب المطر من سحابة ...................... اني سليمة ما بعد عضني ذيب واللي ظلمني جعلها في شبابه ...................... وتحـدره من عـالـيات المراقيب أنا كما عــد عــذي شــــرا به ...................... ما تارده بالقيظ حرش العراقيب سبع العجايز دايرات المـعـابه ...................... سود المقانع يابسات العصاليب وهكذا حققت البنت مـراد أخوها وراح وأخذ ألآبل ونفت عن نفسها تهمة الـردا والعلم الشين |
رد: قصة البنت والذيب
انا اشهد ان الشعر شأنه عظيم في الزمن الأول لاهنت يا ابو محسن على النقل المتميز والطيب .. |
رد: قصة البنت والذيب
سلمت يابومحسن ولاهنت على النقل الجميل
دمت بحفظ الرحمن |
رد: قصة البنت والذيب
|
رد: قصة البنت والذيب
تسلم اخوي ابومحسن ولاهنت على النقل
تقبل مروري تحيااااااتي للجميع |
رد: قصة البنت والذيب
اشكرك جزيل الشكر على النقل
تحيااااااااااااااتي لك |
رد: قصة البنت والذيب
قصه وابيات رائعه وجزله
كعادتك يابومحسن ماتييب إلا الزين ربي لاهانك |
رد: قصة البنت والذيب
اقتباس:
صدقت يا ابو محسن وبيض الله وجهك على الاضافه ماذكرته هو في زمن رسولنا الكريم عليه افضل الصلاة والسلام وفي زمن أجدادنا القوم (القبيله) اللي فيها شاعر يتجنبونها ما يغارون عليها ! والشعر في الزمن الأول سلاح قوووي لك احتراماتي .. |
رد: قصة البنت والذيب
لاهنت وبيض الله وجهك
قصه جميله و قصيد اجمل تقبل مروري |
رد: قصة البنت والذيب
قصه رائعه مع الابيات
|
رد: قصة البنت والذيب
لاهنت يبو محسن على هالقصه والقصيده
|
رد: قصة البنت والذيب
يسلم ايدك موضوع جميل بارك الله فيك
|
الساعة الآن 11:04 AM
 |
Powered by vBulletin® Copyright ©2000 - 2025, Jelsoft Enterprises Ltd.
---