ياحبيبي من عيونك ضرب قلبي عيار=ضربةً مسمومةً قاضيه ومدمره
والسبايب منك قررت واصدرت القرار=قدم المعذار واللي دمرته عمره
ياعيون اللي ليا ضف جنحانه وطار=الدرابيل الجديده تعجز تذمره
ولايطير الا ليا شاف له شوفاً قرار=ومخلبه في صدر برقا الجناح يسمره
والشفايا جمرتيناً تواشا وسط نار=توها من قو صلو اللهيب مجمره
انت كلك نار تجمع بياضاً مع حمار=تقل شمساً دوبها للغروب محمره
والنهود صغار والبطن ظامر تقل غار=والردايف بالقماش الجديد مشمره
والشعر يلمع على الضي من قو الشقار=بشت اميراً تو امير الرياض مومره
لانسفته ذيل صفراً تحت طلاب ثار=تو جت من فوق جرف السيل مطمره
كل يوماً تقوبعه سطل من وزر البكار=وبالشمطري كل ليلة خميس تخمره