::: مـنتدى قبيلـة الـدواسـر الـرسمي :::

عطيتك من أغلا الروح ياشمعـة اليونـان/ ولاودي أذكـر وشـهـو الـلـي عطيتيـنـي&
أخذتـي مـن الجـودة مثـل وارد الألـمـان/ وانـا ماخذيتـك وانـتـي الـلـي خذيتيـنـي&
ذكرتـك قبـل ملعـام فـي روضـة الصمـان/
ولازلتي احساس الغلا واجمل اسنينـي&
عطيتيني الغاية واخذتي وفـاء واحسـان/ ولاغيـرك احـدن فـي حيـاتـي يسليـنـي&
فديت الشعور اللي تفلفل على الامتان/ وتفـاحـتـيـن وقــفــت بـيــنــك وبـيــنــي&
محبتك في قلبي تسلسل مع الشريان/ وحبـي لـك ارفـع مـن كـلام المحبيـنـي&
انا كيف ابنسى من تهـزع غصـون البـان/
*وانـا عـارفـة لاغـبـت مـاهـوب ناسيـنـي&
لـك الـروح دامـه مابـعـد لحقـهـا الـديـان/ واذا راح فـــدوة واذكـريـنــي وبيـحـيـنـي&
سقى ديرتـك مزنـن مـن الوابـل الهتـان/ يـربـع بـهـا قلـبـي بشـوفـتـك عامـيـنـي&
وش اقولك عن خافـق العاشـق الولهـان/ لـو أعيـش كـل العـمـر مـاعـاد يمديـنـي&
انا ويش اوصف فيك صفـراء بـدون عنـان/
*فرس حاكمن له يخضعـون السلاطينـي&
وجـودي عليهـا فـوق مايعنـي الـوجـدان/ يجينـي بـهـا الهـاجـس ونـوبـن يوديـنـي&
الشاعر/ حمود ابن عقرب آل بريك*