سر ياقلم واكتب وسطر ودون = سجل على الاوراق حلو العباره
ابيات شعرن وافي النظم متقن = من هاجس اللي ناضمه عن جداره
قدمتها مني هديه ابلا مّن = ويكفيك عن بعض العلوم الاشاره
هذي نصيحه والنصيحه تثمن = وفيما مضى عند العوارف تجاره
نصيحتن للي تورط ودخن = وزين له الشيطان شرب السجاره
عساه يصحى لنصيحه ويفطن = من قبل تسقط صحته وعتباره
ترى السجاير للحشى مايفيدن = نارن وعار وسقم حال وخساره
تتلف عليه الكبد والقلب والسن = والثوب كنه ممرحن فيه فاره
والوجه يظلم والشفايا تعفن = ويضيق منّه من جلس في جواره
ولو وّقت في جوفه لقيته كما الشن = ولا الخراب اللي تصدع جداره
وتلقى جرثيم الوبا فيه يرعن = وضيق التنفس وارتفاع الحراره
وليا خلص ما حصله زعل وانجن = وليا عطى خطن يضيّع مساره
اخذ العوض فيها من الهيل والبن = كيف الرجال اهل الفخر والنعاره

المشاركة الأصلية كتبت بواسطة حبيب بن ناهض (المشاركة 725789) اخوي شافي بن راشد بيض الله وجهك وصح لسان الشاعر راجح ومشكور كل الشكر على هذي القصيده المميزه تقديري واحترامي

المشاركة الأصلية كتبت بواسطة بنت الذيب (المشاركة 725795) الدخان بلاء الله يفك المبتلين صح لسان شاعرها وتسلم يمناك اخوي شافي على اختيارك الهادف شكري وتقديري..

المشاركة الأصلية كتبت بواسطة بخيت الغييثي (المشاركة 725796) صح لسانك يابو شالح مليوووون ... قصيده في مكانها .. الله يعافي من أبتلي بهذا الداء .. ويحمينا وياكم من أضراره,, كلمه أقولها بصراحه وقد قالها أحد الاخوان قبلي في أحدى تعليقاته على قصايد أبو شالح وقال انت شاعر الدواسر .. وانا بعد اعيدها يابو شالح وعلي الحرام انك كفو وتستاهل ياطير حوران

المشاركة الأصلية كتبت بواسطة مبارك بن شافي النتيفات (المشاركة 725829) صح لسانك ولسانه ولاهنت على النقل الراااائع

المشاركة الأصلية كتبت بواسطة فيصل ضيف الله الكبرا (المشاركة 726003) اخذ العـوض فيهـا مـن الهيـل والبـن=كيـف الرجـال اهـل الفـخـر والنـعـاره الله الله صح لسانك ولسان راجح العجمي ونعم فيك وفيه ولاهنت على النقل