آخواااني

آعضاء المنتدى الغالي

آسعد الله آوقاتكم بـ المسرااات

حبيت آنقل وآهدي لكم هذه القصيده

للشاعر القطري (( عايض بن غيده القحطاااني )) بـعنوان ,, جفاني الزمان ,,


جفاني الزمان ولاج في نيتي ما لاج
وانا اشهر كما حر بدا راس مرقابه

اقضي العمر ساعه بساعه عسى الافراج
تجيبه ليالن بالمواعيد كذابه

احسب ان ضلوعي دون قلبي ذرا وسياج
واثرها غدت لصدوف الايام بوابه

لو ان ما البكى على الرجاجيل فيه احراج
امرت المدامع تشغل الجفن واهدابه

ولو ان ما الحياة هموم ومكابده وازعاج
ما بينت حال شامت الناس يرضى به

ولو ان ما القناعة راس مالي وانا محتاج
ما وكلت بامري من هو احق و اولابه

وهديت موج الطيش في النفس لي من هاج
بتطبيق سيرة خاتم الرسل واصحابه

عليك الله أكبر يابن آدم نخرت العاج
ولقيت الدوا في جوف باعوض وذبابه

تراب الذهب الاسود مايغنيك عن الامواج
ولا اغناك خد الارض عن طردة اهظابه

نصيت السحاب ورحت يمه تمد ابراج
وتناسيت لحظة صكة القبر وترابه

تحسب ان كثر المال نعمه وهو استدراج
الى موقف ماظني تحسب لحسابه

اذا جو ملائكة العفو والعذاب افواج
تنازع على روح من الخوف مرتابه

عرفت الصحيح وقلت يارب يافراج
لكن ذاك يومن عذر ابوعذر ماثابه

ترا الباس مارد المنيه من الحجاج
ولا ضاع دين مالك الملك طلابه


منقووول

تقبلوووا تحيااتي