::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم الـشعر العــام :: (http://alduwaser.org/vb/forumdisplay.php?f=16)
-   -   الحب الأول (http://alduwaser.org/vb/showthread.php?t=63517)

برقن سرى 24-08-2012 09:58 PM

الحب الأول
 
--------------------------------------------------------------------------------
قصيدة غزلية ب عنواان
(( الحب الاول ))


هموم المعنـا ولّعـت داخـل الصـدر = وضميره من ضروف الزمن بـاح مكنونـه
وأنا والله إنّي ماأقبـل الضيـم والغـدر = ومهما جرى نفسي عزيـزه ومصيونـه
صبور علـى صكّـات الايـام والقـدر = وفرقاء وليف حالوا النـاس مـن دونـه
أبو وجنة بيضـاء مثـل شعّـة البـدر = و حجّانـه الثنتيـن قوسيـن مقـرونـه
وتفاحتيـن بيـض فـي مقـدم الصـدر = ولبّة وردف وخصـر والخـد وعيونـه
يا سبحان من سوّاه هرجه عسل سـدر =وساوى جديل يكسـي الـردف ومتونـه
بعـد غيبتـه ومفارقـه صابنـي كـدر = وقلبي من اللوعات يـا مكثـر حزونـه
وليف شبيهه فـي جميـع البشـر نـدر = غريب بكل الوصف في شكلـه ولونـه
لو يشوفه الميلاف يا أهل الهـوى خـدر = مصيبة لو إن النـاس مثلـي يشوفونـه
أحبّـه وحبّـه فالحشـا عالـي القـدر = أحبّـه ونفسـي فيـه شفقـه ومجنونـه
أنا أسست جدر البيـت لايهـدم الجـدر = بنيته عسى المجمول ما يهـدم ركونـه
عسى إن السحاب اللي بروقه سرت حدر=على دار ملهوف الحشا يرخـي مزونـه
كلام سمعته منـه فـي غيبتـه صـدر = مسامح عليه وعارف ويـش مضمونـه
ترى من ورد عدّ المحبيـن مـا صـدر = بيتعب ويشقى و الله يكـون فـي عونـه
وخبيث النوايا لو بذل جهـد مـا قـدر = يا ليته مثل ما قيل يمشي علـى هونـه
عسى الحب الأوّل بينا ما مضـى هـدر = وعسى الزين يفهم زبدة الهرج ويصونه


كلمات الشاعر

علي الحبابي

منقووول

ولكم أجمل التحيااات

شافي بن راشد النتيفات 25-08-2012 05:24 AM

رد: الحب الأول
 
اشكرك جزيل الشكر على الطرح الرائع

مبارك بن شافي النتيفات 25-08-2012 07:24 AM

رد: الحب الأول
 
برقن سرى


للابداع عنوان وإنت عنوانه..
..ســلمت يداكـ ..على الإنتقآء والطرح..
اشكرك من الاعماق اخي البرق على هذا التميز
طرح راقني كثيراً
وفقك الله دوماً

برقن سرى 25-08-2012 01:33 PM

رد: الحب الأول
 
آخي الكريم

شافي بن راشد

لا هنت على المرور والله يعطيك العافيه

برقن سرى 25-08-2012 01:36 PM

رد: الحب الأول
 
آخي العزيز

مبارك بن شافي النتيفات

الله يحييك ومنور الصفحة ولاهنت

على الآشاده الطيبه ومقبوله ,, تقبل ودي وتقديري


الساعة الآن 07:37 AM

Powered by vBulletin® Copyright ©2000 - 2025, Jelsoft Enterprises Ltd.
---