خــلك جــبل مـاكل ريـحاَ تــهزه
من شأن ترفع رأس من هو سئل عنك
والســر يارجــال بالصــدر وزه
معاد يرجع كـان سرك فلت منك
وأحذر عدوك بالحكي تســتفزه
لاتامنه لـوكان يضـحك ويمنك
أحذر من اللي في القفى شب قزه
حاذور ضحكات الاعادي يغرنك
ترى الرجل ماهو منظر ورزه
منتب غبي لكـن حبيت أفـطنك
مادمت حي تعيش عز ومعـزه
وأيامك اللي قد مضن لايغرنك
اللي يعـزك واجباَ أنك تعـزه
تطيب يارجال من طـيب معـدنك
أنا هــواجيسي تجـي كل حزه
يالله دخيلك قلت من عيشة الضنك
خلك جبل ماكل ريحـاً تهـزه
من شأن ترفع رأس من هو سئل عنك
للشاعر/سعد السهلي
رآقت لي^^ 
