::: مـنتدى قبيلـة الـدواسـر الـرسمي ::: - فيقي تراني فالوازم.. قوي عزوم

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - فيقي تراني فالوازم.. قوي عزوم (http://alduwaser.org/vb/showthread.php?t=62901)

فيقي تراني فالوازم.. قوي عزوم

شريته واشوف اني من مواصله محروم
عسى الله يفرج ضايق الصدر من همه

تهب الهبوب اللي تطير عماس النوم
ولا ارضى بمنزل غير منزل ... هل القمه

مادام الحقايق واضحه والحلوم حلوم
عدمناك ياراس(ن) تخبا تحت كمه

الى من تذكرته تزيد الهموم هموم
والى من نسيته عود القلب في غمه

رفيقي تراني فالوازم.. قوي عزوم
ولا همني من ضيع الحق والذمه

اداري خطايا صاحبي وارتفع واشوم
ولا اسمع كلام اللي يدور على النمه

وغوص البحر واسبح وجيب الوفا وعوم
ومده على اللي ماعرف قدر ابن عمه

على شان لا شاف الجفا من وجيه القوم
تذكر فصيلة دمه اللي على دمه

وانا قول دام(ن) في سمانا قمر ونجوم
فلا خير فاللي لا سرى ضيع اليمه

تغيب المعرفه بس يبقا عرب وسلوم
توارد مثل ورد الضوامي على الجمه

مبارك العمور