|
أسماء الزوجات في الجوال
واحد مسميها ( يالله عسى خير)
واحد مسميها (محقق كونان) واحد مسميها (تعال للبيت) وواحد مسميها (النشبة) وواحد مسميها (حمود معاشي) وواحد مسميها ( الضبعه) والآخر مسميها (السعلوه) وواحد مسميها (صاحبة السمو) وواحد مسميها (هات) وواحد مسميها (الشرطه) وحاط نغمة دوريات وواحد مسميها (حسب الله) بتاع ريا وسكينه وواحد ثاني حالته حاله ايام الخطوبة (My Love) اول ايام الزواج (الغالية) لما جاء اول طفل (ام فلان) الحين (الورطه) L وواحد مسميها (المقاضي) اما واحد مسميها (الهيئة) شكله لعاب وواحد مسميها (ودني لبيت اهلي) وواحد مسميها (هيش) واحد مسميها (البليه) واحد مسميها (الغلطه) وغيره مسميها (بسم الله) ============= |
والله انها مشكله
بعض الناس يستهزء بزوجته ويقلل من قدرها ويسميها اسماء ساخره وبعضهم يخاف يبين ان المتصل زوجته او ام عياله ويحط اسماء رجال خالد او ناصر او فهد وغيره مشكور اخوي دوسر اف ام وعساك على القوة |
والله انها بلشه اسم المره في الجوال
مايفقع كبدي الا الي مسميها ( روحي حبي قلبي ) جعله ينقلب على طريق خريص لا وجواله عاريه مع كل.. ياخوي سمها مدحت او عطيه مهوب من قلل قدرها وشرايكم في مدحت ههههههههههههههه خوش اسم لام العيال |
ابن وتيد
اتفق معك في كل شي الا سالفة مدحت ذي يطري علي واحد مصري كهربائي واسمح لي صاير نشبه اليومين ذي هههههههههه |
سالم الغريري
مشكور اخوي على مرورك والرد بس عندي واشخاص اخرين والله صعبه جدا اضع اسم أمراءه في موبايلي لعدة اسباب ومنها السبب الرئيسى افرض انه ضاع منك وطاح في يد واحد جاهل لايعرف ربه واخذ يتلاعب بالارقام صدقني يدور في الاسماء وإذا لم يجد يبحث في الرسايل بل انا اوافق من وضع اسم منزله او زوجة او اخته بأسم رمزي او رجل يذكره بها فاالاحتياط واجب يأخواني |
ابن وتيد
مشكور اخوي على مرورك والرد بس حرام عليك تدعي عليه باالانقلاب والموت وطريق خريص حوادثه كثيره بس حححححححححححححلوه مدحت |
سالم الغريري
مشكور اخوي على مرورك والرد واتفاقك مع ابن وتيد وانا معكم |
هههههههههههههههههههههههههههه
حسبي الله ونعم الوكيل ويش ذي الأسامي الظاهر طافشين من حريمهم!!!!!. . |
هلا والله اخوي دوسر اف ام
الحقيقة وجهة نظرك معقوله ومقبوله في حالة فقدان الجوال بس انا راح تفكيري على ناس يحطون اسماء مستعاره مهوب عشان فقدان الجوال لا تلقاه خايف ان احد من ربعه او زملائه يشوف الاسماء وهذا اعتبره ضعيف شخصية وسلامتك |
وش رايكم با الذيبة
وكذلك حجله الاسماء هذة لقيتها في بعض الجوالات يا احبتي الزوجات اكبر من يقال لهم هكذا اقوال .. وبا المناسبه كل شخص يكتب الاسم على حسب تعليمة .. ودمتم بخير |
والله يالربع لو كل واحد يحفظ رقم أهله في ذاكرته جعل مايجيها رضخه أو .... إلخ والله مابه كلافه ويترك منه الأسماء الصحيحه والأسماء المستعاره موضوع يستحق النقاش وإبداء الرأي الشخصي تحياتي للجميع ،،، |
السلام عليكم ورحمة الله وبركاته موضوع جميل وواقعي... رأيي الشخصي الذي قد أكون مخطئة فيه هو ان الأمر عائد على تربية الشخص وخلفيته الاجتماعية وأسلوب تعامله مع زوجته وحتى مستواه التعليمي. فمتى ما كان الشخص راقي في تعامله مع زوجته والآخرين كان راقيا أيضا في اختيار اسم يليق بها وبوضعها كزوجة له أولا وام لأولاده ثانيا وكانسانة لها كيان قبل كل شيء. قد يكون اختيار الزوج اسم (بشع) لزوجته دليل على عقدة نقص أو اضطهاد أو تعويض لأمور لا يستطيع الاتيان بها في الحقيقه فيقوم بالتعويض عنها في الجوال... أي عوضا عن أن يحل مشاكله معها بأسلوب حضاري تجده يطلق عليها أبشع الألقاب وأشنعها في جواله كمحاوله للانتقام منها... حيلة الضعيف! ما اكرم المرأة الا كريم...ولا أهانها وقلل من شأنها الا..... لئيم. ودمتم سالمين. الجوهره |
محمد النتيفي
مشكور اخي على مرورك والرد ولك الاحترام |
أبوفهيد
تذكر عشاك قبل اسبوعين الساعه كم وين فيه إذا تذكر ماشاء الله عليك والاحتياط واجب |
الجوهره
كلامك على العين والراس بس انا ذكرت ضاع منك جوالك وطاح جوالك انتي في يد واحد غير مؤدب واخذ يتلاعب بالارقام التي فيها الاسماء الحقيقيه لاخواتك وصديقاتك واخذا يزعجهم من المسؤل هنا اليس انتي يمكن يحصل طلاق كما حصل عند عوائل محافظه على شرفهم لاتنسين يالجوهره اننا بدوء والشرف عندنا ليس بهين وعقابه الموت في كل الحالات هذا موضوع لايمكن ان يدخل فيه التحضر اوالتمدن ياغاليه س / هل ترضين انا احد يتصل على ابوكي اواخوك او زوجكي ويقول بكل برود اعطني (فلانه) ؟ مهما كان الرد فا الحذر واجب === |
الساعة الآن 08:24 PM
 |
Powered by vBulletin® Copyright ©2000 - 2025, Jelsoft Enterprises Ltd.
---