من الهاجس اللي يبتعد يبتعد ويعود = والى عاد عاد بقاف شد النظر يمــــه
قاف معتبر ما شابه النقد والمنقود= معانيه جزله ترتقي به الى القمـــــــــــه
له اهداف مرسومه وله مقصد منشود=له مناسبه له وقت له جو له يـــــــمه
ما هو قاف سد اعذاريكتب بلامردود=مجرد هروج سببت للشعر زحــــــــــــــمه
شعور حقيقي صادق ينتقى بركود = يعده هجوسه حمل يرتاح لاتــــــمه
احسب حسابه وابذل الجهد والمجهود=وراجعه ونقحه والهزل ماضــــــــــــــمـه
ما نيب انظمه شهره ولامدح ولازود=ولاهو لاجل تصفيق ولاحذف عمـــــــــــــه
ولا للغرور بمنهجي في القصيدوجود=وشعر التصنع نقص ويسبب الكتمــــــــه
اساير به ظروف الزمن بيضها والسود=ومؤمن بان الشعر له دور بالامـــــــــــــــه
ودوره كبير ومثر لانظم بجهود =ونبع من ضمير عنده حساس له همــــــــــــه
وشعر خلا من الدين مابه وفق وسعود=ماصاب الحقيقه ناضمه وهدفه زمـــــــه
كذا للوطن ومقدساته غلا مولود=وتلزم على الشاعر يخصص لها قسـمــــــه
وخص وطنا الشاسع الرايد المحسود=اللي اعدا العقيده وجهويمه الهجمــــــه
وحسب مااراه اليوم في شعرنا موجود=بقوله وقولي راي شخصي ولاعمـــــه
اشوف البعض شعره يقوله بدون قيود=يهذري شعر في كل الاوقات ويخـــــمه
هجوسه يهيض بدون بارق وحن رعود=والاجواعجاج والمخاليق منـــكتمـــــــه
صباح وهجاد مواصل والقصيد رجود=يقيس الشعر بالكم والكيف ماهــمـــــــه
مايدري الشعر بالكيف لوالعدد محدود=بيت واحد خلا لكم شاعر بصمــــــــه
ياليت الذي نعنيه بالقول والمقصود=يعي مانريده منه بسكات ويــــصـــــــمـه
يهدي الوضع يركد ويكتب شعرويفود=عباد من الاشعار خلي ومنحرمـــــــــــه
يراجع حساباته وينظم شعر بحدود = وشعر بدون اسباب مايجلب البسـمه
ترا مطلب المتذوق اللي يبي مفقود=ولودوره في شعرنا اليوم ماشـــــــمه
مايلقى سوا مدح يزوده عنه صدود=يبط الكبود ويرفع الضغط في دمـــــــــــه
ومدح الكفو حق ويستاهله وسعود=لكن مدح من لايستحقونه مطــــــــمه
مايبني الشعر مجد بليا فعل مشهود=وبيت مشرع حوله النــــــاس ملتـمه
ياكم كم سمعنا مدح من بابهمم مرود =ومن بينهم والطيب والطايله خصمه
وشعر الغزل يلقاه عند الولدو العود=وكل ذبحه الولف والحال منسمـــــــــه
غدا الكل مغرم والغلا حط فيه الهود =يوصف وصوف جعل ماهيب فالذمـــــــه
والى شفتهم بالعين شفت العجب موجود=اجسام تفح فحيح بالشحم مردمـه
ياوين الغرام ولوعته والشحوم رجود=اظن الغرام بوادي ماهم بيــــــمــــــــه
ولنابي الرادايف لين الخصر غض نهود=قسم وافي فالشعر مانفيه وهضـــــمه
ياشعارديوان العرب منهل مورود =علـــــــينا ننوع في موارده ونعــــــــــــــمه
حسب جهدنا ننظمه والجود مالموجود=ونظرق ابواب تالي الوقت منعدمــــــــه
ظروف العرب مختلفتن مالهن عدود=بعضها بنظم القاف لاحبك منصرمــــــه
وانا لست باشعر شاعر يشهد المعبود=لكن شفت ديوان العرب غثربوجمه
وحبيت اذكرهم نصيحه بدون نقود=مع ذايقه عرافه الشعر منسجمـــــــــه
هدفها هدف سامي وانا قدها وقدود= ولافي الرجال قصور لاجتهم مهـــــمه