استهاض الجاش والحق ماعنه مصد = والجزيله بيّنه والهزيله بيّنه
بيّن المحصول والشعر زراعه حصد = واستدار الفكر والبعض بان لسيّنه
انكشف مستور الايام والراصد رصد = ومايسوق الهيّنه كود راعي الهيّنه
والله ان بعض الشواعير اردى من قصد = ليت بعض ديودها يالعميل محيّنه
جاك يزبد ويتهبد وبيدينه عصد = مادرى اني لابغيت الفريد اعينّه
درس وافهم ماحوى واحتسبها واقتصد = الحمل ماتحتمله العظام الليّنه

نعرف الايام والسبت يقفاه الاحد = ونعطي حقوق النشاما دبل ومبيّنه
سلمنا وسم العصا مانخوّن بالعهد = للدواسر فالجزيره فعولٍ بيّنه
يابن عمي وانت حرٍ مجرب بالهدد = واعرف ان النامسه ماتأذي هيّنه
لاتيهظ والمؤشر نزل ولا صعد = لانهق عير البدو لاتجر ارسيّنه
الضعيّف من هروجه وقف ولا قعد = فرخ بومٍ فوق عشه وهذا مكيّنه

المشاركة الأصلية كتبت بواسطة نآصر الربيعة البدارين (المشاركة 705365) سلمت وكُفو صح لسانك ولسان ابن العم محمد بن الشيخ ولاعليك من هرج الضعيف لاهنت ..

المشاركة الأصلية كتبت بواسطة مبارك بن شافي النتيفات (المشاركة 705368) صح لسانك ولسان الشاعر محمد المشاوية وسلمت يمينك على النقل تحياتي وتقديري