أنا يوم شفت البيت الابيض وسيده غاب=تذكرت راعي البيت يا جعله الجنه
تذكرتنا منهو كريم مع الاصحاب=ويفرح ليا من الركايب تنصنه
حصان يشرع منزله ما يصك الباب=ولامنه شاف الضيف هلى بلا منه
جنابه عسل ومشاهده للعماس اذهاب=وله مجلساً يلقابه الهيل مع بنه
مع العود الأزرق للمسير مع الترحاب=وحيل تجفا بالصياني يبارنه
حميد السجايا تاج راس على الاقراب=لطيف من الادنين والصاحب يحنه
ولامن تبين بالعداوة بعض الاشناب=كما الضلع ضربات الهوا ما يهزنه
هذا ناصر بن غصين يا سامع الجواب=يعشق المدايح والمدايح يعشقنه
اقوله بناصر طيب الراس والانساب=اقوله حسب ما شفت وسمعتنا عنه
لو اني باتابع سيرته ما يسد اكتاب=غنياً عن التعريف ومطبق السنه
اقوله وأبو منصور من يمدحه ما هاب=مديحاً عسى الله يرحمه ويعفا عنه
عسا جنة الفردوس تفتح له الأبواب=ويلقى بنات الحور والحور يلقنه
ولا لي جدا غير الدعا له بغير حساب=ومما بقلبي قلت الامثال يرثنه

[font=Verdana][size=4][B][I][align=center]تسلم يمينك
وصح لسان الشاعر
الله يرحم الأمير ناصر بن منصور آل غصين المشاوية .[/align][/I][/B][/size][/font]

المشاركة الأصلية كتبت بواسطة ابن حويل اللة يرحم ابو نايف ويسكنة الفردوس الاعلى في جنات النعيم ولاهنت يالسفير على النقل الطيب وصح اللة لسان الشاعر

المشاركة الأصلية كتبت بواسطة هايف العماني صح الله لسان الشاعر المصروري والله يرحم الأمير ناصر بن منصور آل غصين ويسكنه فسيح جناته ويبارك في ذريته بيض الله وجهك يالسفير على ايراد القصيدة تقبل تحياتي،،

اخي العزيز يحي الودعاني....

شاكرلك على مرورك العطر وتعليقك،،،

والله يجزاك خير على الدعاء للأمير ناصر بن منصور ال غصين

تقبــل تحيــاتـي؛؛؛
اخــوك/ السفيـــر.....