|
مصافحة أولى "مرت على خير"
السلام عليكم ورحمة الله وبركاته
اخواني الأعضاء هذه قصيده من قصائدي الجديده التي لم يجف حبرها أتمنى أن تحوز على رضاكم وإعجابكم
الضربة اللي ما تموت تقوّي = وأنتي طعنتيني ومرت على خير ياليتها جتني بخنجر عدوّي = لكنها من خنجرك جرحها غير ماعاد ينفع قول ليتي ولوّي = ولاعاد ينفعك الأسف والمعاذير خلاص ياطير يتعذرك جوّي = دور على جوَ به تحوم وتطير أول أفكر في فراقك وأنوّي = واليوم عازم لوهو يصير ما يصير توي أكتشفت أنك تخونين توّي = وأنا اللي ماأصدق بك كبير وصغير لو كنت أنا اللي خاينك وش تسوي؟؟ = بتقول عادي ولا بتثور وتغير لالايغرك ياحبيبي هدوّي = ولالاتقولي طيب وقلبه كبير في الحب أنا بالذات عاشق مهوي = ولاخان خلي صرتنا كني الزير أقوّم الدنيا وأقلب علوّي = وأثور في وجهه عواصف وأعاصير ولا قلت اسامح صاح صوتِ مدوّي = صوت الجروح يفجر القلب تفجير كم قلت لك روفي علي وتروّي = مافي الهجر إلا الشقى والمخاسير كنت أطلبك ضامي وأنا اشوف نوّي = ياخذ من بحوري ويمطر على الغير خلاص أنا مليت يالله تهوّي= روحي لمنهم غرروا فيك تغرير وعشان أثبت في المواقف سموّي = لامن طرى أسمك أبذكرك بالخير وسلامتكم تقبلوا تحيتي اخوكم حزين الحرف عبد الرحمن سعد |
في الحب أنا بالذات عاشق مهـوي.....ولاخان خلي صرتنـا كنـي الزيـر
صح لسانك يابو سعد ، وقصيدة وافية من شاعر كبير بحجم ( حزين الحرف ) ، وأهلا وسهلا بك في منتداك بين ربعك وبني عمك وأحبتك ، ويسعدنا إنضمامك لهذا الصرح الشامخ بأعضائه. ولك من أخوك ابو عبدالمحسن هنا وهناك الود والتقدير ،،،، |
ابو عبد المحسن اول من يرد على قصيدتي
ياهلا وياغلا ياشيخ لو ادري سجلت من زمان كم تشرفت برد وسعدت به فقد انرتي متواضعتي حتى يعتقد كل من يأتي بعد ان هذا جمال قصيدتي وإنما هو جمال ردك الرائع صح بدنك ولا هنت |
. . . |
صح الله لسانك ملايين اخوي حزين الحرف
ومرحبا بك في رحاب منتديات قبيلة الدواسر في انتظار المزيد من ابداعاتك الشعرية تقبل تحياتي،،، |
الشاعر // أبو سعد ( حزين الحــــرف) صح الله لسانك على هذه الرائعه كروعة صاحبها دمت ودام همس قوافيك ترن بمسامعنا ولاتبطي بجديدك ،،،، |
وعشان أثبت في المواقف سمـوّي = لامن طرى أسمك أبذكرك بالخيـر
ارحب يا حزين الحرف تراحيب المطر ابرك الساعات انظمامك لنا صح لسانك مليووووووووووووون على القصيده الجزله اخوك سابقا/صخاف ولان/ابن وتيد يزيد المنتدى شرف انضمامك لنا. |
الشاعر
حزين الحرف لافض فوك قصيدة جزلة مثل راعيها |
ولا قلت اسامح صاح صوتِ مدوّي=صوت الجروح يفجر القلب تفجيـر كم قلت لك روفي علـي وتـروّي=مافي الهجر إلا الشقى والمخاسيـر الشاعر الكبير حزين الحرف أولأ أهلا وسهلا بك في منتداك بين ربعك وبني عمك وأحبتك ، ويسعدنا إنضمامك لهذا الصرح الشامخ بأعضائه. وثانياً صح الله لسانك ملاييييييييييييييييين ، وقصيدة وافية من شاعر كبير عاطر التحايا القلبية لك من محب الجميع |
خـلاص ياطيـر يتعـذرك جـوّي دور على جوَ بـه تحـوم وتطيـر
ارحب يابو سعد و عز الله انها تدل وبشكل و اضح ان الله اللي عاى العبيه خيال تقبل تحيات اخوك فتى الجود |
الشاعر الكبير
والإعلامي المتيز سعد البريك صح بدنك ولا هنت على الرد شرف كبير لي هذا الرد لك مني كل الحب والتقدير |
أخوي هايف العماني
الف شكر على هذا الترحيب والحار والكلام الجميل الذي يدفعني للإمام وأبشر بعزك هذا منتدانا وبيتنا اللي فيه اخواني |
ابو فهيد
صح بدنك ولا هنت على الرد والترحيب لك ودي |
خـلاص ياطيـر يتعـذرك جـوّي =دور على جوَ بـه تحـوم وتطيـر
ابداع ابداع ابداع
في الحب أنا بالذات عاشق مهـوي=ولاخان خلي صرتنا كنـي الزيـر أقـوّم الدنيـا وأقـلـب عـلـوّي=وأثور في وجهه عواصف وأعاصير ياسلام
كنت أطلبك ضامي وأنا اشوف نوّي=ياخذ من بحوري ويمطر على الغير
الله واكبر على الوصف اررررررررحب مليارررررررررررررررررررررات يالشاعر الجزل الكبير المبدع : حزين الحرف صح الله لسانك وابرك الساعات انضمامك للمنتدى والقصيده والله انها من احسن ماقريت وافيه من وافي وخلك ويا الخاين لاترحمه دامه يمطر على الغير لاهنت ياحزين الحرف ويشرف المنتدى انضمامك وننتظر جديدك وقديمك اللي تشرفت بقراءته والرد عليه في منتديات اخرى اخوك الحر |
ابن وتيد
صخاف ياهلا وياغلا صح بدنك ولا هنت على الرد الجميل الذي اعتز به وافتخر به لك كل الحب والود |
الساعة الآن 10:06 PM
 |
Powered by vBulletin® Copyright ©2000 - 2025, Jelsoft Enterprises Ltd.
---
