ياطارش الحوطه ويمتكم حدار =سلم على اللي دوم كفه نديه
نصه على موسى وبشره الاخبار=تسر الرفيق ولا تسر الرديه
يامعلمي موسى ياكم واحد صار=بالعلم والتعليم قايد سريه
دكتور و مهندس وظابط وطيار =وزل الجهل منا ولا طال فيه
عليك ياللي مقند ورس وبهار =صبه لموسى ثم عده عليه
صبه على اللي تكرم الضيف والجار=حماية الذيدان من كل هيه
ياحر ياللي موكرك فوق الأنظار=ماناشه أشبوح الرخوم الدنيه
سيف على العدوان بتار الاعمار =قطاع من هو سايقته الحميه
كم واحد يبغى مراجله وأحتار=حيرت جويز مالقى له بنيه
يقول له عزي لمن هو طمع دار=حازت رضاه ولا لقى له شريه
فلانيب لا واش ولا نيب بوار=ولا نيب فطماع بهذي وذيه
طماعتي مكسب علوم بهآ كآر =طماعة أهل العرب مابه خطيه