::: مـنتدى قبيلـة الـدواسـر الـرسمي ::: - دام الكلام اليوم معاد ينطاق

دام الكـلام اليـوم ماعـاد ينطـاق
....................بين الولايف نبرة الشـوق غرقـا

قال السديري عقب ماخاطره ضـاق
.........................بيتن يخلي ضامـي القلـب يشقـا

ياليت ربي ماخلـق حـب وفـراق
.........................والا خلق حب(ن) على غير فرقـا

واليوم ضاعت بالمواجيب الاخـلاق
.........................صار الغزل بيـن المواليـف يرقـا

دارت دواليب الزمن بين الاشـواق
.........................يالصاحب اللي من سبايبـك نشقـا

عنيت لك في عالي الرجم مشتـاق
.........................وغنيت لك مع تالي العصـر طرقـا

عن شوف غيرك شح شوفي ولالاق
.........................وسرقت ماتحت المحاديـب سرقـا

واليوم طعت اللي بالاشـوار بـوَاق
.........................واللي بقـى لـك بالمحاجيـر يبقـا

من عانقوا دربك قليليـن الاوفـاق
.........................حالـك تغيـر والبـلا ويـن نلقـا

محدن يعالجني سوى شوف بـرَاق
.........................واقـول مابيـن الغناديـر فـرقـا

ياهيـه يالمشتـاق لاعـاد تشتـاق
.........................ويامعدَي المرقـاب لاعـاد ترقـى

آخر نصيحه واحفظه وسط الاعماق
.........................خل الرجم وانزل علـى راس برقـا