::: مـنتدى قبيلـة الـدواسـر الـرسمي ::: - مالوم عين بكت من حب غاليها

- :: قسم الـشعر العــام :: (http://alduwaser.org/vb/forumdisplay.php?f=16)

- - مالوم عين بكت من حب غاليها (http://alduwaser.org/vb/showthread.php?t=60499)

مالوم عين بكت من حب غاليها

قصيدة للشاعر / شافي بن خلف النتيفات

سبحان مجري كواكبها ومحصيها = اللي لوجهه يصلون المصليني
يالله ياعالم الدنيا ومافيها = يامن بعلمه خلق عسرن ويسريني
تنشي علينا المخايل من مناشيها = تمطر على نجد واطرافه اسبوعيني
من جر نجران للشامات يسقيها = حتى يبدل غبار الخد بالزيني
يازين مشيا بها والنبت كاسيها = سج القدم في الحيا يسوا الملاييني
يالله عسى كل خد يسيل واديها = آمين ياللي خلقت آدم من الطيني
طالبك نفسي من الزلات تنجيها = وبرحمتك يالله من النار تنجيني
النفس ماتنبسط والموت قافيها = وين الوناسه وبعد الموت قافيني
والحفرة اللي بنسكن واللحد فيها = واغلا عيالي علي يهايل الطيني
نعد الايام ونحسب لياليها = وإنا على ساقة اللي قبل ماشيني
ولا الوم عين بكت من حب غاليها = من شد منا بكينا يالمقيميني
واركابنا ساقته تمشي سماريها = والعمر متعدين خمسة وخمسيني
هذا وصلوا عدد ذاري ذواريها = على نبي الهدى اللي بلغ الديني