أنا شايفٍ فعلٍ غريبٍ علية اثبات=
اخص الرجال اللي تخلت عن العادات=
على شارعٍ وسط البلد تشبك الخلفات=
ولاها حلال القوم مايحصي الحلبات=
ولا همه الا قول يازول دوك وهات=
ينادي على عشرة تعود على العشرات=
عليها كفوف الزول لا سلهمت .. صلفات=
على الشارع الاصفر تحت شعة اللمبات=
ترى حلبت الناقة لها يارجال اوقات=
لها حزةِ تحلب ولا تنحلب حزات=
كلامي يخص اللي شبك خلفتة بالذات=
وبه واحدٍ قال لي مرة من المرات=
غريبة على راع الوطن يخلف الهقوات=
نسى اللي عليه جدودنا في زمانٍ فات=
ابنخا هل الشيمة وبنخا هل النخوات=
سلايل رجالٍ تنثني حزة الغارات=
سلايل هل الطالة سلايل هل النخوات=
مادام الشجيع اللي تعزوا بها مامات=
نبي شرهةٍ من واحدٍ يفهم الشرهات=
نبي العاقل اللي كلمته تنفهم بسكات=
يقول اتق الله واحدٍ يفرج الضيقات=
ترازم عطايا الله تبي منكم الفزعات=
حجزها بشبكٍ واحدٍ يجهل الشيمات=
عقب ما تمشى في الجزيرة زمانٍ فات=
ولبنها لأهلها مدتٍ واجزل المدات=
نجدد عوايدنا ولا نفرح الشمات=
يقولون للراعي لا شفت النشاما جات=
وتحلب لروس ضيوفها وابرك الحزات=

.

.

.

[size=4]اللـه اللـه , صـح لسـانـه , وسلـم يمنـاك على النقـل الطيـب . لكـن الشـاعـر / مرير بن عبدالمحسن الحبيل هـو من آل حبيـل الوداعيـن , ولاتشـابـه آسمـاء . لاهنـت آخـوي ..ابن محمد الودعاني .. بـارك اللـه فيـك , وبيض الله وجهك[/